________________ अन्तराकल्पः [245] छव्विह कप्पादीया बायालंता उ पंचवी एते / मेलीणा उ भवंती एकासीतिं भवे भेदा // 2199 // णवरं छव्विहकप्पे वीसइकप्पे य णामठवणाओ। मोत्तं सेसा सव्वे एक्कासीति तु मेलीणा // 2200 // एते सव्वे संमं णिव्विसमाणस्स णिव्विसणकप्पो। एतेसिं पुण कतरो महढितो होति सव्वेसिं 2201 सव्वे वि हु चरणविसोहिकारगा तह वि अत्थि हु विसेसो। सद्दहणाऽऽचरणाए भइतं पुण पालणाए तु // 2202 // सद्दहणाकप्पो या आयरणा चेव दो पहाणतरा। अहवा सद्दहण चिय सद्दहितुं जो ण आयरति 2203 भइयमणुपालण त्ति य सदहिऊणं पिण तरती कोई। अणुपालेतुं अज्जा तम्हा खलु सो ण पव्वावे 2204 // णिव्विसणकप्पो एसो एत्तों वोच्छामि अंतराकप्पं / संखेव पिंडियत्थं गुरूवएसं जहा कमसो // 2205 // पंचट्ठाणमसंखा बारसगं चेव तिणि वि तियाणं। अज्झत्थणाणकरणट्टयाए सो अंतराकप्पो // 2206 // सामादि संजतादी पंचह चरणं तु तेसि एकेकं / संजमठाणमसंखा एकेके तत्थ ठाणंमि // 2207 //
