________________ [4] . पञ्चकल्प-भाष्ये आयारदसाकप्पो ववहारो णवमपुव्वणीसंदी। चारित्तरक्खणट्ठा सूयकडस्सूपरि ठविता // 23 // अंगदसा अण्णावि हु उवासगादीण तेण तु विसेसो। आयारदसा उ इमा जेणेत्थं वणियाऽऽयारा // 24 // दसकप्पव्ववहारा एम सुतक्खंध केइ इच्छंति / केई व दसा एवं कप्पववहार बीयं तु // 25 // रयणागरथाणीयं णवमं पुव्वं तु तस्स णीसंदो।। परिगाल परिस्सावो एते दसकप्पववहारा // 26 // किं कारण णिज्जूढा चरित्तसारस्स रक्खणट्ठाए। खलियस्स तहिं सोही कीरइ तो होति निरुवयं // 27 // सूयकडुवरि ठविता जम्हा तं पंचवासपरियाए / सूयकडमहिजति तू तो जोग्गो होति से तेसिं // 28 // अणुकंपावुच्छेदो कुसुमा भेरी तिगिच्छ पारिच्छा। कप्पे परिसा य तहा दिळंता आदिसुत्तम्मि // 29 // ओसप्पिणि समणाणं हाणिं णाऊण आउगलाणं / होहिंतुवग्गहकरा पुव्वगतम्मी पहीणम्मि . // 30 // खेत्तस्स य कालस्स य परिहाणी गहणधारणाणं च / बलवीरिए संघयणे सद्धा उच्छाहता चेव
