________________ [84] पञ्चकल्प-भाष्ये तो भणति णिवं सा तू एते वेज्जा ण चेव तु णरिंद!। ण य जाणंती सत्थं कहंति बेती इमं सुणसु // 757 // तिणि सल्ला महाराय! अस्सिंदेहे पइट्ठिता। वाउमूत्तपुरीसाणं पत्तवेगं ण धारए गण धारए // 758 // णिम्मुहिकतातु वेज्जा तीए सावि य पतिहिना तहियं। तम्हा ण धारए वेगं वायातीणं तु सव्वेसिं // 759 // एवं भुत्ते समाणे जति वातादी पकोव गच्छेज्जा। जाणेज्ज तेसि वेलं पच्चूसादी इमं तहियं // 760 // सिंभो वड्ढति पच्चूस पदोसे पित्तमड्ढरत्तम्मि। मज्झंतिए य वाओ वड्ढति पुव्वावरण्हे य // 761 // तत्थ ण वेज्जो पुच्छिज्जती तु तेसिं तु वेल सच्चेव। कुवियाण अवेलाए पच्छे किरिया इमा तेसिं // 762 // तित्तकडुएहिं सिंभं जिणाहि पित्तं कसायमहुरेहिं / णिधुण्हेहि य वायं सेसा वाही अणसणाते // 763 // केरिसए कालम्मी आहारो केरिसो तु पुरिसेणं / आहारेयव्वो खलु तत्थ इमो वण्णितो सो य // 764 // सीते उण्हं पविसेज्जा उण्हे सीयं पवेसए (दव्व)। णिद्धे लुक्खं पविसेज्जा लुक्खे निद्धं पवेसए // 765 //
