________________ चैत्यवंदनादिविभागः निवृते: संवृतद्वार-समुद्घाटन कुश्चिका। धन्यैः शरीरिभिर्देव!, श्रोष्यते तव देशना // 6 // न कल्पान्तरसाम्राज्यं, नानुत्तरनिवासिताम् / वांच्छामि किन्तु शुश्रूषां, भवतः पादपद्मयोः // 7 // (14) कलिकालसर्वज्ञ हेमचंद्रसूरि म० प्रणीतं चैत्यवंदनम् अस्मिन्नसारे संसारे, मरौ सञ्चारिणां चिरात् / त्वदर्शनमभूदेव !, देहभाजां सुधाप्रपा // 1 // रूपेणाप्रतिरूपं त्वा-मश्रान्तं पश्यतां सताम् / . कृतार्थेयं समभव-देवानां निर्निमेषता // 2 // जगत्रितयनाथत्वं, ज्ञानत्रितयधारिता / इदमाजन्मसिद्धं ते, शीतलत्वमिवाम्भसाम् // 3 // अपारो दुस्तरश्चायं, सदा संसारसागरः। जानुदघ्नोधुना नाथ !, त्वत्प्रसादाद्भविष्यति // 4 // रागादिषु नृशंसेन, सर्वात्मसु कृपालुना। . भीमकान्तगुणेनोच्चैः, साम्राज्यं साधितं त्वया // 5 // .. महीयसामपि महान् , महनीयो महात्मनाम् / अहो मे स्तुवतः स्वामी, स्तुतेर्गोचरमागमत् // 6 // भूयो भूयो भवत्पाद-दर्शनं मे भवत्विति / आशंसामि जगमाय !, निर्वाणमपि नापरम् // 7 //
