________________ 466 ] - / श्रीमदागमसुधासिन्धुः :: सप्तमो विभागः तते णं अम्हे कुणिएणं रगणा सद्धिं जुज्झामो 2 / तते णं से चेडए राया ते नवमलई नवलेच्छई कासीकोसलगा अट्ठारस वि गणरायाणो एवं वदासी-जइ णं देवाणुप्पिया ! तुब्भे कूणिएणं रन्ना सद्धिं जुज्झह, तं गच्छह णं देवाणुप्पिया ! सतेसु 2 रज्जेसु गहाया जहा कालादीया जाव जएणं विजएणं वद्धाति 3 / तते णं से चेडए राया कोडुबियपुरिसे सद्दावेति सदावित्ता एवं वयासि-श्राभिसेक जहा कूणिए जाव दुरूडे 4 / तते णं से चेडए राया तिहिं दंतिसहस्सेहिं जहा कूणिए जाव वेसालि नगरि मज्झ मज्झेणं निगच्छति 2 जेणेव ते नवमलई नवलेच्छती कासीकोसलगा अट्ठारस वि गणरायाणो तेणेव उवागच्छति 5 // सू० 47 / / तते णं से चेडए राया सत्तावन्नाए दंतिसहस्सेहिं सत्तावन्नाए श्राससहस्सेहिं सत्ताबनाए रहसहस्सेहिं सत्तावन्नाए मणुस्सकोडीएहिं सद्धिं संपरिबुडे सव्विड्डीए जाव रवेणं सुभेहिं वसहीहिं पातरासेहिं नातिविगिट्ठोहिं अंतरेहिं वसमाणे 2 विदेहं जणवयं मझ मज्झेणं जेणेव देसपंते तेणेव उवागच्छति 2 खंधावारनिवेसणं करेति 2 कूणियं रायं पडिवालेमाणे जुन्झसज्जे चिट्ठइ // सू० 48 // तते णं से कूणिए राया सविड्डीए जाव रखेणं जेणेव देसपंते तेणेव उवागच्छति चेडयस्स रन्नो जोयणंतरियं खंधावारनिवेसं करेति 1 / तते णं से दोनि वि रायाणो रणभूमि सजावेंति 2 रणभूमि जयंति 2 / तते णं से कूणिए तेत्तीसाए दंतिसहस्सेहि जाव तेत्तीसाए मणुरसकोडीहिं गरुलवूह रएइ, रइत्ता गरुलवूहेणं रहमुसलं संगाम उवायाते 3 तते णं से चेडए राया सत्तावन्नाए दंतिसहस्सेहिं जाव सत्तावन्नाए मगुस्सकोडीहि सगडवूहं रएइ, रइत्ता सगडवूहेणं रहमुसलं संगामं उवायाते 4 // सू० 41 // तते णं ते दोरािह वि राईणं अणीया सन्नद्ध जाव गहियाउहपहरणा मंगतितेहि फलतेहि निकट्टाहिं असीहिं अंसागएहिं तोणेहिं सजीवेहिं धणूहि समुविखत्तेहिं सरेहिं समुल्लालिताहिं डावाहिं श्रोसारियाहिं उरूघंटाहिं छिप्पत्त
