________________ 458 ] [ श्रीमदागमसुधासिन्धुः / सप्तमो विभागः अप्पाणं महता गयाभिसेएणं अभिसिंचावेसि 3 / तते णं से कूणिए राया चिल्लणं देवि एवं वदासि-घातेउकामे णं अम्मो ! मम सेणिए राया, एवं मारेतुंबंधितुनिच्छुभिउकामए णं अम्मो ! ममं सेणिए राया, तं कहन्नं अम्मो ! ममें सेणिए राया अच्चंतनेहाणुरागरते ? तते णं सा चेल्लणा देवी कूणियं कुमारं एवं वदासि-एवं खलु पुत्ता ! तुमंसि ममं गब्भे श्राभूते समाणे तिराहं मासाणं बहुपडिपुन्नाणं ममं अयमेयारूवे दोहले पाउब्भूतेधन्नातो णं तातो अम्मयातो जाव अंगपडिचारियायो निरवसेसं भाणियत्वं जाव जाहे वि य णं तुमं वेयणाए अभिभूते महता जाव तुसिणीए संचिहसि, एवं खलु तव पुत्ता! सेणिए राया अच्चंतनेहाणुरागरते 4 / तते णं से कूणिए राया चेल्लणाए देवीए अंतिए एयमळं सोचा निसम्म चिल्लणं देविं एवं वदासि- दुट्ठ णं अम्मो ! मए कयं सेणियं रायं पियं देवयं गुरुजणगं श्रच्चंतनेहाणुरागरत्तं नियलबंधणं करतेणं, तं गच्छामि णं सेणियस्स रन्नो सयमेव नियलानि छिदामि तिकटु परसुहत्थगते जेणेव चारगसाला तेणेव पहारिस्थ गमणाए 5 / तते णं सेणिए राया कूणियं कुमारं परसुहस्थगयं एजमाणं पासति 2 एवं वयासि-एस णं कूणिए कुमारे अपत्थियपत्थिए जाव सिरिहिरिपरिवजिए परसुहत्थगए इह हव्वमागच्छति, तं न नजइ णं ममं केणइ कुमारेणं मारिस्सतीतिकटु भीए जाव संजायभए तालपुडगं विसं यासगंसि पक्खिवइ 6 / तते णं से सेणिए राया तालपुडगविसं थासगंसि पक्खित्ते समाणे मुहत्तरेणं परिणाममाणंसि निप्पाणे निचिट्ठ जीवविप्पजढे पोइन्ने ७॥सू०३०॥ तते णं से कूणिए कुमारे जेणेव चारगसाला तेणेव उवागए 2 सेणियं रायं निप्पाणं निचिट्ठ जीवविप्पजढं श्रोइन्न पासति 2 महता पितिसोएणं अप्फुराणे समाणे परसुनियत्ते विव चंपगवरपादवे धस त्ति धरणीतलंसि सव्वंगेहिं संनिवडिए 1 / तते णं से कूणिए कुमारे मुहुत्तंतरेणं अासत्थे समाणे रोयमाणे, कंदमाणे, सोयमाणे, विलव
