________________ 366 ] [ श्रीमदागमसुधासिन्धुः / सप्तमो विभागः अणंतरेहि य एक्कक्के दो दो पालावका, सव्वहिं दुवालसमुहुत्ता राई भवति, जाव ता जता णं जंबुद्दीवे 2 दाहिणद्धे वारसमुहुत्ताणंतरे दिवसे भवति तदा णं उत्तरद्धे दुवालसमुहुत्ता राई भवति, जया णं उत्तरद्धे दुवालसमुहुत्ताणंतरे दिवसे भवति तदा णं दाहिणद्धे दुवालसमुहुत्ता राई भवति, तता णं जंबुद्दीवे 2 मन्दरस्स पव्वयस्स पुरस्थिमपञ्चस्थिमे णं णेवस्थि पराणरसमुहुत्ते दिवसे भवति शेवत्थि पराणरसमुहुत्ता राई भवति, वोच्छिराणा णं तत्थ राइंदिया पराणत्ता, समणाउसो! एगे एवमाहंसु 3, 1 / वयं पुण एवं वदामो, ता जंबुद्दीवे 2 सूरिया उदीणपाईणमुग्गच्छति पाईणदाहिणमागच्छंति, पाईणदाहिणमुग्गच्छंति दाणिपडीणमागच्छति दाहिणपडीणमुग्गच्छति पडीणउदीणमागच्छंति पडीणउदीणमुग्गच्छति उदीणपाईणमागच्छंति 2 / ता जता णं जंबुद्दीवे 2 दाहिणद्धे दिवसे भवति तदा णं उत्तरद्धे दिवसे भवति, जदा णं उत्तरद्धे दिवसे भवति तदा णं जंबुद्दीवे 2 मंदरस्स पब्वयस्स पुरच्छिमपञ्चच्छिमे णं राई भवति 3 / ता जया णं जंबुद्दीवे 2 मंदरस्स पव्वयस्स पुरस्थिमे णं दिवसे भवति तदा णं पञ्चच्छिमेणवि दिवसे भवति, जया णं पञ्चत्थिमे णं दिवसे भवति तदा णं जंबुद्दीवे 2 मंदरस्स पव्वयस्स उत्तरदाहिणे णं गई भवति 4 / ता जया णं दाहिणद्धेवि उकोसए श्रद्वारसमुहुत्ते दिवसे भवति तया णं उत्तरद्धे उक्कोसए अट्ठारसमुहुत्ते दिवसे भवति, जदा उत्तरद्धे उकोसए अट्ठारसमुहुत्ते दिवसे भवति तदा णं जंबुद्दीवे 2 मंदरस्स पव्वयस्स पुरथिमे णं जहरिणया दुवालसमुहुत्ता राई भवति 5 / ता जया णं जंबुद्दीवे 2 मंदरस्स पव्वतस्स पुरच्छिमे णं उक्कोसए अट्ठारसमुहुत्ते दिवसे भवति तता णं पञ्चत्थिमेणवि उकोसए अट्ठारसमुहुत्ते दिवसे भवति 6 / जता णं पञ्चत्थिमे णं उक्कोसए अट्ठारसमुहुत्ते दिवसे भवति तता णं जंबुद्दीवे 2 मंदरस्स पव्वयस्स उत्तरदाहिणे णं जहरिणया दुवालसमुहुत्ता राई भवति, एवं एएणं गमेणं णेतव्वं
