________________ श्रीमत् सूर्यप्रज्ञप्तिसूत्रम् :: प्रा०.२ प्रा० प्रा० 3 ] [ 353 मुहत्तंसि य सिग्घगती भवति, तता णं च छ जोयणसहस्साई एगमेगेणं मुहुत्तेणं गच्छति, मज्झिमतावखेत्तं समासादेमाणे 2 सूरिए मज्झिमगती भवति, तता णं पंच पंच जोयणसहस्साई एगमेगेणं मुहुत्तेणं गच्छति, मझिमं तावखेत्तं संपत्ते सूरिए मंदगती भवति, तता णं चत्तारि जोयणसहस्साई एगमेगेणं मुहुत्तेणं गच्छति 5 / तत्थ को हेऊत्ति वदेजा ?, ता अयगणं जंबुद्दीवे 2 जाव परिक्खेवेणं, ता जया णं सूरिए सव्वन्भंतरं मंडलं उवसंकमित्ता चारं चरति तता णं दिवसराई तहेव तंसि च णं दिवसंसि एक्काणउतिं जोयणंसहस्साई तावखेत्ते पराणत्ते, ता जया णं सूरिए सव्वबाहिरं मंडलं उवसंकमित्ता चारं चरति तता णं राइंदियं तहेव, तसि च णं दिवसंसि एगट्ठिजोयणसहस्साई तावक्खेत्ते पराणत्ते, तता णं छवि पंचवि चत्तारिवि जोयणसहस्साई सूरिए एगमेगेणं मुहुत्तेणं गच्छति, एगे एवमाहंसु 6 / वयं पुण एवं वदामो ता सातिरेगाइं पंच 2 जोयगासहस्साई सूरिए एगमेगेणं मुहुत्तेणं गच्छति 7 / तत्थ को हेतूत्ति वदेजा ? ता अयराणं जंबुद्दीवे 2 परिक्खेवेणं ता जता णं सूरिए सव्वभंतरं मंडलं उवसंकमित्ता चारं चरति तता णं पंच 2 जोयणसहस्साइं दोरिण य एकावराणे जोयणसए एगूणतीसं च सट्ठिभागे.जोयणस्स एगमेगेणं मुहुत्तेणं गच्छति 8 / तता णं इधगतस्स मणुसस्स सीतालीसाए जोयणसहस्सेहिं दोहि य तेवट्ठोहिं जोयणसतेहिं एकवीसाए य सट्ठिभागेहिं जोयणस्स सूरिए चक्खुफासं हबमागच्छति, तया णं दिवसे राई तहेव 1 / से णिक्खममाणे सूरिए णवं संवच्छरं अयमाणे पढमंसि अहोरत्तंसि. अभितराणंतरं मंडलं उवसंकमित्ता चारं चरति, ता जया णं सूरिए अभितराणंतरं मंडलं उवसंकमित्ता चारं चरति, तता णं पंच 2 जोयणसहस्साई दोरिण य एकावराणे जोयणसते सीतालीसं च सट्ठिभागे जोयणस्स एगमेगेणं मुहुत्तेणं गच्छति 10 / तता णं इहगयस्स मणूसस्स सीतालीमाए जोयणसहस्सेहिं अउणा
