________________ श्रीमत्प्रज्ञापनोपाङ्ग-सूत्रम् / / पदं 2 ) [61 सोलसराहं पायरवखदेवसाहस्सीणं अन्नेसिं च बहूणं दाहिणिल्लाणं वाणमंतराणं देवाण य देवीण य ाहेवच्चं जाव विहरइ 3 / उत्तरिल्लाणं पुच्छा, गोयमा ! जहेब दाहिणिल्लाणं वत्तव्वया तहेव उत्तरिल्लाणंपि, णवरं मंदरस्स पब्वयस्स उत्तरेणं महाकाले एत्थ पिसायिंदे पिसायराया परिवसइ, जाव विहरइ 4 / एवं जहा पिसायाणं तहा भूयाणंपि, जाव गंधव्वाणं, नवरं इंदेसु णाणत्तं भाणियव्वं इमेण विहिणा-भूयाणं सुरूवपडिरूवा, जक्खाणं पुन्नभदमाणिभदा, रक्खसाणं भीममहाभीमा, किन्नराणं किन्नरकिंपुरिसा, किंपुरिसाणं सप्पुरिसमहापुरिसा, महोरगाणं अइकायमहाकाया, गंधव्वाणं गीयरइगीयजसा, जाव विहरइ 5 / काले य महाकाले सुरूव पडिख्व पुन्नभद्दे य / तह चेव (अमरवइ) माणिभद्दे भीमे य तहा महाभीमे // 14 // किन्नर किंपुरिसे खलु सप्पुरिसे खलु तहा महापुरिसे / अइकायमहाकाए गीयरई चेव गीयजसे // 150 // सू० 48 // कहि णं भंते ! अणवनियाणं देवाणं पज्जत्ताऽपजत्ताणं ठाणा पन्नत्ता, कहि णं भंते ! अणवन्निया देवा परिवसंति ?, गोयमा ! इमीसे रयणप्पभाए पुढवीए रयणामयस्स कंडस्स जोयणसहस्सवाहलस्स उवरि जाव जोयणसएसु एत्थ णं अणवन्नियाणं देवाणं तिरियमसंखेजा णगरावामसहस्सा भवंतीतिमक्खायं, ते णं जाव पडिरूवा, एत्थ णं अणवनियाणं देवाणं ठाणा 1 / उववाएणं लोयस्स असंखेजइभागे समुग्याएणं लोयस्स असंखेजइभागे सट्टाणेणं लोयस्स असंखेजइभागे 2 / तत्थ णं वहवे अणवन्निया देवा परिवसंति महिड्डिया जहा पिसाया जाव विहरति 3 / सन्निहियसामाणा इत्थ दुवे अणवनिंदा अणवन्निय-कुमाररायाणो परिवति महिड्डीया, एवं जहा कालमहाकालाणं दोरहंपि दाहिणिलाणं उत्तरिल्लाण य भणिया तहा सन्निहिय-सामाणाणंपि भाणियब्वा 4 / संगहणीगाहा-अणवन्निय-पणवन्निय-इसिवाइय-भूयवाइया चेव / कंदिय-महाकदिय-कोहंडा पयगए चेव (पययदेवा) // 151 // इमे
