________________ 46 ] [ श्रीमदागमसुधासिन्धुः षष्ठो विभागः सट्टाणेणं लोयस्स असंखेजइभागे, तत्थ णं बहवे वालुयप्पभा-पुढवीनेरइया परिवसंति, काला कालोभासा गंभीरलोमहरिसा भीमा उत्तासणगा परमकिराहा वन्नेणं पन्नत्ता, समणाउसो !, ते णं निव्वं भीता निच्चं तत्था निच्चं तसिया निच्चं उब्धिगा निच्चं परममसुहं संबद्धं णरगभयं पच्चणुभवमाणा विहरंति 3 / कहि णं भंते ! पंकप्पभा-पुढवीनेरइयाणं पजत्तापजत्ताणं ठाणा पन्नता ?, कहि णं भंते ! पंकप्पभा-पुढवीनेरइया परिवसंति ?, गोयमा ! पंकप्पभापुढवीए वीसुत्तर-जोयण-सयसहस्स-बाहल्लाए उवरिं एगं जोयणसहस्सं श्रोगाहित्ता हिट्ठा चेगं जोयणसहस्सं वजित्ता मज्झे अट्ठारसुत्तरे जोयणसयसहस्से एत्थ णं पंकप्पभापुढवीनेरइयाणं दस निरयावाससयसहस्सा भवंतीति मक्खायं, ते णं णरगा अंतो वट्टा बाहिं चउरंसा अहे खुरप्पसंठाणसंठिया निच्चंधयारतमसा ववगय-गहचंद-सूरनक्खत्त-जोइसियप्पहा मेदवसापूयपडल-रुहिरमंस-चिक्खिल्ल-लित्ताणुलेवणतला असुइवीसा परमदुभिगंधा काउअगणिवन्नभा कक्खडफासा दुरहियासा असुभा नरगा असुभा नरगेसु वेयणायो, एत्थ णं पंकप्पभापुढवीनेरइयाणं पजत्तापजत्ताणं ठाणा पन्नत्ता, उववाएणं लोयस्त असंखेजइभागे, समुग्घाएगां लोयस्स असंखेजइभागे, सट्ठाणेणं लोयस्स असंखेजइभागे, तत्थ णं बहवे पंकप्पभा-पुढवीनेरइया परिवसंति, काला कालोभासा गंभीरलोमहरिसा भीमा उत्तासणगा परमकिराहा वन्नेणं पराणत्ता समणाउसो !, ते णं निच्चं भीया णिच्चं तत्था णिच्चं तसिया निच्चं उव्विग्गा णिच्चं परममसुहसंबद्धं गरगभयं पञ्चणुभवमाणा विहरंति 4 / कहि णं भंते ! धूमप्पभा-पुढवीनेरइयाणं पजत्तापजत्ताणं ठाणा पन्नत्ता ?, कहि णं भंते ! धूमप्पभापुढवीनेरइया परिवसंति ?, गोयमा ! धूमप्पभापुढवीए अट्ठारसुत्तर-जोयण-सयसहस्स-बाहल्लाए उवरिं एगं जोयणसहस्सं योगाहित्ता हेट्ठा चेगं जोयणसहस्सं वजित्ता मज्झे सोलसुत्तरजोयण-सयसहस्से, एत्थ णं धूमप्पभा-पुढवीनेरइयाणं तिन्नि निरयावास
