________________ श्रीमत्प्रज्ञापनोपाङ्ग-सूत्रम् : पदं 21 ] [ 306 थायामेणं जहराणेणं अंगुलस्स असंखेजइभागों उकोसेणं लोगंतायो लोगते 1 / एगिंदियस्स णं भंते ! मारणंतिय-समुग्घाएणं समोहयस्स तेयासरीरस्स केमहालिया सरीरोगाहणा ?, गोयमा ! एवं चेव, जाव पुढविकाइय-याउकाइय-तेउकाइय-वाउकाइय-वणप्फइकाइयस्स 2 / बेइंदियस्स णं भंते !मारणंतिय-समुग्याएणं समोहयस्स तेयासरीरस्स केमहालिया सरीरोगाहणा पराणता ?, गोयमा ! सरीरप्पमाणमेत्ता विक्खंभवाहल्लेणं थायामेणं जहराणेणं अंगुलस्स असंखेजइभागो उक्कोसेणं तिरियलोगायो लोगते, एवं जाव चउरिदियस्स 3 / नेरइयस्स णं भंते ! मारणंतिय-समुग्घाएणं समोहयस्स तेयासरीरस्स केमहालिया सरीरोगाहणा पन्नत्ता ?, गोयमा ! सरीरप्पमाणमत्ता विक्खंभवाहल्लेणं थायामेणं जहरणेणं सातिरेकं जोयणसहस्सं उकोसेणं अधे जाव अहेसत्तमा पुढवी तिरियं जाव सयंभुरमणे समुद्दे उड्ड जाव पंडगवणे पुक्खरिणीतो 4 / पंचिंदिय-तिरिक्खजोणियस्स णं भंते ! मारणंतिय समुग्घाएणं समोहयस्स तेयासरीरस्स य केमहालिया सरीरोगाहणा पन्नत्ता ?, गोयमा ! जहा बेइंदियसरीरस्स 5 / मणुस्सस्स णं भंते / मारणंतिय समुग्घाएणं समोहयस्स तेयासरीरस्स केमहालिया सरीरोगाहणा पन्नत्ता ?, गोयमा ! समयखेत्तायो लोगंतो 6 / असुरकुमारस्स णं भंते ! मारणंतिय-समुग्घाएणं समोहयम्स तेयासरीरस्स केमहालिया सरीरोगाहणा पन्नत्ता ?, गोयमा ! सरीरप्पमाणमेत्ता विक्खंभबाहल्लेणं यायामेणं जहराणेणं अंगुलस्स असंखेजइभागो उक्कोसेणं अधे जाव तच्चाए पुढवीए हिट्ठिल्ले चरमंते तिरियं जाव सयंभुरमणसमुदस्स बाहिरिल्ले वेइयंते उट्ठ जाव इसीपभारा पुढवी, एवं जाव थणियकुमार-तेयगसरीरस्स वाणमंतर-जोइसिय-सोहम्मीसाणगा य एवं चेव 7 / सणंकुमारदेवस्स णं भंते ! मारणंतिय-समुग्घाएणं समोहयस्स तेयासरीरस्स केमहालिया सरीरोगाहणा पन्नत्ता ?, गोयमा ! सरीरप्पमाणमेत्ता विक्खंभवाहल्लेणं थायामेणं
