________________ श्रीमत्प्रज्ञापनोपाङ्ग-सूत्रम् : पदं 20 ] [ 287 7 / जे णं भंते ! सद्दहेजा पत्तिएजा रोएजा से णं ग्राभिणिवोहियनाणसुयणाणाई उप्पाडेजा ?, हंता गोयमा ! उप्पाडेजा 8 / जे णं भंते ! आभिणिबोहियनाण-सुयनाणाई उप्पाडेजा से णं संचाएजा सीलं वा वयं वा गुणं वा वेरमणं वा पञ्चक्खाणं वा पोसहोववासं वा पडिवजित्तए ?, गोयमा ! अत्थेगतिए संचाएजा अत्थेगतिए णो संचाएजा 1 / जे णं भंते ! संचाएजा सीलं वा जाव पोसहोववासं वा पडिवजित्तए से णं ओहिनाणं उप्पाडेजा ?, गोयमा ! अस्थगतिए उप्पाडेजा अत्थेगतिए णो उप्पाडेजा 10 / जे णं भंते ! भोहिनाणं उप्पाडेजा से णं संचाएजा मुंडे भवित्ता श्रागाराश्रो अणगारियं पव्वइत्तए ?, गोयमा ! नो इण? सम? 11 / नेरइए णं भंते ! नेरइएहितो अणंतरं उव्वट्टित्ता मणुस्सेसु उववज्जेज्जा ?, गोयमा ! अत्थेगतिए उववज्जेज्जा अत्थेगतिए णो उववज्जेजा 12 / जे णं भंते ! उववज्जेजा से णं केवलिपन्नत्तं धम्म लभेजा सवणयाए ?, गोयमा ! जहा पंचिंदियतिरिक्खजोणिएसु जाव जे णं भंते ! भोहिनाणं उप्पाडेजा से णं संचाएजा मुंडे भवित्ता श्रागाराग्रो अणगारियं पवइत्तए ?, गोयमा ! अत्यंगतिए संचाएजा अत्थेगतिए णो संचाएजा 13 / जे णं भंते ! संचाएजा मुराडे भवित्ता श्रागारायो अणगारियं पव्वइत्तए से णं मणपजवनाणं उप्पाडेजा ?, गोयमा ! अत्थेगतिए उप्पाडेजा अत्थेगतिए णो उप्पाडेजा 14 / जे णं भंते ! मणपजवनाणं उप्पाडेजा से णं केवलनाणं उप्पाडेजा ?, गोयमा ! अत्थेगतिए उप्पाडेजा अत्थेगतिए णो उप्पाडेजा 15 / जे णं भंते ! केवलनाणं उप्पाडेजा से णं सिज्झेजा बुज्झेजा मुञ्चेजा सव्वदुक्खाणं अंतं करेजा ?, गोयमा ! सिज्झेजा जाव सबदुक्खाणमंतं करेजा 16 / नेरइए णं भंते ! नेरइएहिंतो अणंतरं उब्वट्टित्ता वाणमंतर-जोइसिय-वेमाणिएसु उववज्जेजा ?, गोयमा ! नो इणढे समढे 17 // सूत्रं 258 // असुरकुमारे णं भंते !
