________________ 246 ] [ श्रीमदागमसुधासिन्धुः :: षष्ठो विभागः छायं अणुगच्छति, से तं छायाअणुवायगती 10, 33 / से किं तं लेस्सागती ?, 2 जगणं किराहलेसा नीललेसं पप्प तारूवत्ताए तावरणत्ताए तागंधत्ताए तारसत्ताए ताफासत्ताते भुजो 2 परिणामति, एवं नीललेसा काउलेसं पप्प तारूवत्ताए जाव ता फासत्ताए परिणमति, एवं काउलेसावि तेउलेसं तेउलेसावि पम्हलेसं पम्हलेसावि सुकलेसं पप्प तारूवत्ताते जाव परिणमति, से तं लेसागती 11, 34 / से किं तं लेसाणुवायगती ?, 2 जल्लेसाई दव्वाई परियाइत्ता कालं करेइ तल्लेसेसु उववज्जंति, तंजहा-किराहलेसेसु वा जाव सुक्कलेसेसु वा, से तं लेसाणुवायगती 12, 35 / से किं तं उद्दिस्सपविभतगती ?, 2 जेणं पायरियं वा उवज्झायं वा थेरं वा पवत्तिं वा गणिं वा गणहरं वा गणावच्छेदं वा उदिसिय 2 गच्छति, से तं उदिस्सिय-पविभत्तगती 13, 36 / से किं तं चउपुरिस-पविभत्तगती , से जहानामए चत्तारि पुरिसा समगं पजवटिया समगं पट्टिता 1 समगं पजट्टिया विसमगं पट्ठिया 2 विसमं पजबट्ठिया समगं पट्ठिया 3 विसमं पज्जवट्टिया विसमं पट्ठिया 4, से तं चउपुरिसपविभत्तगती 14, 37 / से किं तं वंकगती ?, 2 चउविहा पन्नत्ता, तंजहा-घट्टनया थंभणया लेसणया पवडणया, से तं वंकगती 15, 38 / से किं तं पंकगती ?, 2 से जहाणामते केइ पुरिसे सेयंसि वा पंकसि वा उदयसि वा कायं उविहिया गच्छति, से तं पंकगती 16, 31 / से किं तं बंधणविमोयणगती ?, (ग्रं. 5000) 2 जगणं अंबाण वा अंबाडगाण वा माउलुगाण वा बिल्लाण वा कविट्ठाण वा भलाण वा [ भव्वाण वा ] फणसाण वा दालिमाण वा पारेवताण वा अक्खोलाण वा चाराण वा वोराण वा तिंडुयाण वा पकाणं परियागयाणं बंधणातो विप्पमुक्काणं निवाघातेणं अधे वीससाए गती पवत्तइ, से तं बंधणविमोयणगती 17, 40 / से तं विहायोगती, से तं गइप्पवाए 41 / // सूत्रं 205 // पराणवणाए भगवईए सोलसमं पयोगपदं समत्तं // // इति षोडशं पद // 16 //
