________________ श्रीमत्प्रज्ञापनोपाङ्ग-सूत्रम् : पदं 4 ] [ 117 अपजत्तय-खहयर-पंचिंदिय-तिरिक्ख-जोणियाणं पुच्छा, गोयमा! जहन्नेणवि उक्कोसेणवि अंतोमुहुत्तं 47 / पजत्तय-खहयर-पंचिंदिय-तिरिक्ख-जोणियाणं प्रच्छा, गोयमा ! जहन्नेणं अंतोमुहत्तं उक्कोसेणं पलियोवमस्स असंखेजइभागं अंतोमुहुत्तूणा 48 / संमुच्छिम-खहयर-पंचिंदिय-तिरिवख-जोणियाणं पुच्छा, गोयमा / जहन्नेणं अंतोमुहुत्तं उक्कोसेणं बावत्तरी वाससहस्साई 41 / अपजत्तय-समुच्छिम-खहयर-पंचिंदिय-तिरिक्ख-जोणियाणं पुच्छा, गोयमा ! जहन्नेणवि उक्कोसेणवि अंतोमुहत्तं 50 / पजत्तय-संमुच्छिम-खहयरपंचिंदिय-तिरिक्ख-जोणियाणं पुच्छा, गोयमा ! जहन्नेणं अंतोमुहुत्तं उक्कोसेणं बावत्तरी वाससहस्साइं अंतोमुहुत्तूणाई 51 / गम्भवस्कंतिय-खहयर-पंचिदियतिरिक्खजोणियाणं पुच्छा, गोयमा ! जहन्नेणं घेतोमुहुत्तं उकोसेणं पलियोवमस्स असंखेजइभागं 52 / अपज्जत्तय-गम्भवक्कंतिय-खहयर-पंचिंदियतिरिक्ख-जोणियाणं पुच्छा, गोयमा ! जहन्नेणवि उकोसेणवि अंतोमुहुत्तं 53 / पज्जत्तय-गम्भवक्कंतिय-खहयर-पंचिदिय-तिरिक्ख-जोणियाणं पुच्छा, गोयमा ! जहन्नेणं अंतोमुहुत्तं उक्कोसेणं पलिग्रोवमस्स असंखिजइभागं अंतोमुहुत्तूणं 54 // सू०१८ // मणुस्साणं भंते ! केवइयं कालं ठिई पन्नत्ता ?, गोयमा ! जहन्नेणं अंतोमुहुत्तं उक्कोसेणं तिन्नि पलिग्रोवमाई 1 / अपजत्तमणूस्साणं पुच्छा, गोयमा ! जहन्नेणवि उक्कोसेणवि अंतोमुहुत्तं 2 / पजत्तयमणुस्साणं पुच्छा, गोयमा ! जहन्नेणं अंतोमुहुत्तं उकोसेणं तिन्नि पलियोवमाइं अंतोमुहुत्तूणाई 3 / समुच्छिममणुस्साणं पुच्छा, गोयमा ! जहन्नेणवि अंतोमुहुत्तं उक्कोसेणवि अंतोमुहुत्तं 4 / गम्भवक्कंतियमणुस्साणं पुच्छा, गोयमा ! जहन्नेणं अंतोमुहुत्तं उक्कोसेणं तिन्नि पलिग्रोवमाई 5 / अपजत्तयगब्भवक्कंतिय-मणुस्साणं पुच्छा, गोयमा ! जहन्नेणवि उक्कोसेणवि अंतोमुहत्तं 6 / पजत्तय-गब्भवक्कंतिय-मणुस्साणं पुच्छा, गोयमा ! जहन्नेणं अंतोमुहुत्तं उकोसेणं तिन्नि पलियोवमाइं अंतोमुहुत्तूणाई 7 // सू० 11 // वाणमंतराणं
