________________ श्रीमत्प्रज्ञापनोपाङ्ग-सूत्रम् पदं 4 ] [ 113 जहन्नेणवि उक्कोसेणवि अंतोमुहुत्तं 38 / पजत्तय-बादर-वणस्ससइकाइयाणं पुच्छा, गोयमा ! जहन्नेणं अंतोमुहुत्तं उकोसेणं दस वाससहस्साइं अंतोमुहुतूणाई 31 // सू० 16 // बेइंदियाणं भंते ! केवइयं कालं ठिई पन्नत्ता ?, गोयमा ! जहन्नेणं अंतोमुहुत्तं उक्कोसेणं बारस संवच्छराई 1 / अपजत्तयबेइंदियाणं पुच्छा, गोयमा ! जहन्नेणवि उक्कोसेणवि अंतोमुहुत्तं 2 / पज्जत्तय-बेइंदियाणं पुच्छा, गोयमा ! जहन्नेणं अंतोमुहुत्तं उक्कोसेणं बारस संवच्छराइं अंतोमुहुत्तूणाई 3 / तेइंदियाणं भंते ! केवइयं कालं ठिई पन्नत्ता ?, गोयमा ! जहन्नेणं अंतोमुहुत्तं उक्कोसेणं एगुणवन्नं राइंदियाई 4 / अपजत्तय-तेइंदियाणं पुच्छा, गोयमा ! जहन्नेणवि उकोसेणवि अंतोमुहुत्तं 5 / पजत्तय-तेइंदियाणं पुच्छा, गोयमा ! जहन्नेणं अतोमुहुत्तं उकोसेणं एगुणवन्नं राइंदियाइं अतोमुहुत्तूणाई 6 / चरिंदियाणं भंते ! केवइयं कालं ठिई पन्नत्ता ?, गोयमा ! जहन्नेणं अतोमुहुत्तं उक्कोसेणं छम्मासा 7 / अपजत्तय चउरिंदियाणं पुच्छा, गोयमा ! जहन्नेणवि उकोसेणवि अतोमुहुत्तं 8 / पजत्तय-चरिंदियाणं पुच्छा, गोयमा ! जहन्नेणं अतोमुहुत्तं उक्कोसेणं छम्मासा अतोमुहुत्तूणा 1 // सू० 17 // पंचिंदियतिरिक्खजोणियाणं भंते ! केवइयं कालं ठिई पनत्ता ?, गोयमा ! जहन्नेणं अंतोमुहुत्तं उकोसेणं तिन्नि पलिश्रोवमाई 1 / अपजत्तय-पंचिंदिय-तिरिक्खजोणियाणं पुच्छा, गोयमा ! जहन्नेणवि उकोसेणवि अंतोमुहुत्तं 2 / पजत्तय-पंचिंदिय-तिरिक्खजोणियाणं पुच्छा, गोयमा ! जहन्नेणं अंतोमुहुत्तं उक्कोसेणं तिन्निपलियोवमाइं अंतोमुहुत्तणाई 3 / समुच्छिम-पंचिंदिय-तिरिक्खजोणियाणं पुच्छा, गोयमा ! जहन्नेणं अंतोमुहुत्तं उकोसेणं पुवकोडी 4 / अपजत्तय-समुच्छिम-पंचिंदिय-तिरिक्खजोणियाणं पुच्छा, गोयमा ! जहन्नेणवि उक्कोसेणवि अंतोमुहुत्तं 5 / पजत्तय-समुच्छिम-पंचिंदिय-तिरिक्खजोणियाणं पुच्छा, गोयमा ! जहन्नेणं अंतोमुहत्तं उक्कोसेणं पुव्वकोडी
