________________ [ 46 श्रीऑपपातिक-सूत्रम् ] याए णो चेव णं पिवित्तए सिणाइत्तए वा, ते णं परिव्वायगा एयारूवेणं विहारेणं विहरमाणा बहूई वासाइं परियायं पाउणंति बहूई वासाइं परियायं पाउणित्ता कालमासे कालं किच्चा उकोसेणं बंभलोए कप्पे देवत्ताए उबवतारो भवंति, तहिं तेसिं गई तहिं तेसिं ठिई दस सागरोवमाइं ठिई पराणत्ता, सेनं तं चेव 12, 21 // सू० 38 // तेणं कालेणं तेणं समएणं अम्मडस्म परिव्वायगस्स सत्त अंतेवासिमयाई गिम्हकालसमयंसि जेट्टामूलमामंसि गंगाए महानईए उभयोकूलेणं कंपिल्लपुरायो णयरायो पुरिमतालं णयरं संपट्ठिया विहाराए 1 / तए णं तेसिं परिवायगाणं तीसे अगामियाए छिराणोवायाए दीहमद्धाए अडवीए कंचि देसंतरमणुपत्ताणं से पुव्वग्गहिए उदए अणुपुव्वेणं परिभुजमाणे झीणे 2 / तए णं ते परिव्वाया झीणोदगा समामा तराहाए पारव्भमाणा पार 2 उदगदातारमपस्समाणा अराणमराणं सदावेति सदावित्ता एवं बयासी-एवं खलु देवाणुप्पिया! अम्ह इमीसे अगामियाए जाव अडवीए कंचि देसंतरमणुपत्ताणं से उदय जाव झीणे तं सेयं खलु देवाणुप्पिया! अम्ह इमीसे अगामियाए जाव अडवीए उदगदातारस्स सवयो समंता मग्गणगवेसणं करित्तए तिकटटु अराणमराणस्स यंतिए एअमट्ठ पडिसुणंति 2 ता तीसे अगामियाए जाव अडवीए उदगदातारस्स सब्बयो समंता मग्गणगवेसणं करेइ करित्ता उदगदातारमलभमाणा दोच्चंपि अराणमराणं सदावेंति सहावेत्ता एवं वयासी-इह णं देवाणुप्पिया ! उदगदातारो णत्थि तं णो खलु कप्पइ अम्ह अदिराणं गिरिहत्तए अदिराणं भुजित्तए (सातिजित्तए), तं मा णं अम्हे इयाणिं श्रावइकालंपि अदिराणं गिराहामो यदिराणं भुजामो (सादिजामो) मा णं अम्हं तवलोवे भविस्सइ, तं सेयं खलु अम्हं देवाणुप्पिया ! तिदंडयं कुडियायो य कंचणियायो य करोडियायो य भिसियायो य छराणालए य ग्रंकुसए य केसरीयायो य पवित्तए य गणेत्तियायो य छत्तए य वाहणायो य पाउयायो य धाउरत्तायो
