________________ श्रीऔषपातिक-सूत्रम् ] [ 25 तावत्तीसमहिया सलोगपाल-अग्गाइसि-परिसा-गिय प्रायरक्खेहिं परिवुडा समणुगम्मत-सस्सिरीया देवसंघ-जयसवालोया मिग-महिस-वराह-छगलददुर-हय-गयवइ-भुयग-खग्ग-उसभंक-विडिम-पागडिय-चिंध-मउडा पालगपुष्फग-सोमणससि-सिरिवच्छ-नंदियाव-कामगम-पीतिगम--मणोगम-विमलसव्वयोमानामधेज्जेहिं विमाणेहिं तरुण-दिणयर-करअइरेगप्पभेहिं मणिकणग-रयण-घडिय-जालुजल-हेमजाल-पेरंतपरिगएहिं सपयरवर-मुत्तदामलंबंतभूमणेहिं पचलिय-घंटावलि-महुरसह-वंस-तंती-तल-ताल-गीयवाइयरवेणं महुरेणं मणोहरेणं पूरयंता अंबरं दिसायो य, सोभेमाणा सरियं, संपट्ठिया थिरजसा देविंदा हट्टतुट्ठमणसा, सेसा वि य कप्पवरविमाणाहिवा सविमाणविचित्त-चिंध-नामंक-विगड-पागड-मउडाडोव-सुभदंसणिजा समन्निति, लोयंतविमाणवासिणो यावि देवसंघा य पत्तेय-विरायमाण-विरइय-मणिरयणकुंडल-भिसंत-निम्मल-नियगंकिय-विचित्त-पाडियमउडा दायंता अप्पणो समुदयं, पेच्छंता वि य परस्स रिड्डीयो, जिणिंद-वंदण-निमित्तभत्तीए चोइयमई जिणदंससुयागमणजणियहासा विउल-बल-समूह पिंडिया संभमेणं गगणतल-विमल-विउल--गगणगइ-चवल-चलियमण(पवण)जइणसिग्यवेगा णाणाविह-जाण-वाहणगया उसियविमल-धवलछत्ता विउब्विय-जाण-वाहणविमाण-देहस्यणप्पभाए उज्जोएंता नहं, वितिमिरं करेंता सव्विड्डीए हुलियं (पसिढिल-वरमउड-तिरीडधारी मउड-दित्तसिरया रत्तामा पउमपम्हगोरा सेया।) तेणं कालेणं तेणं समएणं समणस्स भगवयो महावीरस्स बहवे अच्छरगणसंचाया अंतियं पाउब्भविस्था। तायो णं अच्छरायो धंतधोयकणग-रुयग-सरिसप्पभायो समइक्कंतायो य बालभावं अणइवर-सोमचारुरुवायो निरुवहय-सरस-जोवणकक्कस-तरुण-वयभावं उवगयायो निच्चं अवडियसहावायो सव्वंगसुदरीयो इच्छिय-नेवच्छ-रइय-रमणिज-गहियवेसायो कि ते हारद्धहार-पाउत्त-रयण-कुडल-वामुत्तग-हेमजाल मणिजाल
