________________ श्रीजीवाजीवाभिगम-स्त्रम् :: अ० 1 तृतीया प्रतिपत्तिः ] / 37 संडस्स णं भंते ! दीवस्स पदेसा कालोयगं समुद्दपुट्टा?, हंता पुट्ठा 7 / ते णं भंते ! किं धायइसंडे दीवे कालोए समुद्दे ?, गोयमा ! ते खलु धायइसंडे नो खलु ते कालोयसमुद्दे एवं कालोयम्सवि 8 धायइसंडहीवे जीवा उद्दाइत्ता 2 कालोए समुद्दे पञ्चायति ?, गोयमा ! अत्यंगतिया पञ्चायति अत्थेगतिया नो पञ्चायति 1 / एवं कालोएवि प्रत्येगतिया पञ्चायति अत्येगतिया णो पञ्चायति 10 / सेकेण?णं. भंते ! एवं वुच्चति-धायइसंडे दीवे 2 ?, गोयमा ! धायइसंडे णं दीवे तस्य तत्थ देसे तहिं 2 पएसे धायइरुक्खा धायइवराणां धायइसेंडा णिच्चं कुसुमिया जाव उवसोभेमाणा 2 चिट्ठति, धायइ-महाधायइरुक्खेसु सुदंसणपियदंसणा दुवे देवा महिटिया जाव पलिश्रोवमट्टितीया परिवसंति से एएणोणं जाव धायइसंडे दीवे 2, अदुत्तरं च णं गोयमा ! जाव णिच्चे 11 | धायइसंडे णं भंते ! दीवे कति चंदा पभासिंसु वा 3 ? कति सूरिया तविंसु वा 3? कइ महग्गहा चार चरिंसु वा 3 ? कइ णक्खत्ता जोगं जोइंसु वा 3 ? कइ तारागणकोडाकोडीयो सोभेसु वा 31, गोयमा ! बारस चंदा पभासिंसु वा 3, एवं-चउवीसं ससिरविणो णक्खत्त सता य तिनि छत्तीसा / एगं च गहसहस्सं छप्पन्नं धायईसंडे // 1 // अट्ठव सयसहस्सा तिरािण सहस्साई सत्त य सयाई / धायइसंडे दीवे तारागण कोडाकोडीणं // 2 // सोमेंसु वा 3, 12 ॥सू० 174 // धायइसंडं णं दीवं कालोदे णाम समुद्दे व वलयागार-संठाणसंठिते सव्वतो समंता संपरिक्खित्ताणं चिट्ठइ, कालोदे णं समुद्दे कि समचकवाल-संठाणसंठिते विसमचकवालसंठाणसंठिते ?, गोयमा! समचकवालसंठाणसंठिते णो विसमचकवालसंठाणसंठिते 1 / कालोदे णं भंते ! समुद्दे केवतियं चकवालविक्खंभेणं केवतियं परिक्खेवेणं पराणते ?, गोयमा ! अट्ठ जोयणसयसहस्साई चक्कवालविक्खंभेणं एकाणउति जोयणसयसहस्साई सत्तरि सहस्साई छच्च पंचुत्तरे जोयणसते किंचिविसेसाहिए परिक्खेवेणां पराणत्ते 2 / सेणं एगाए पउम
