________________ 154 ) [ श्रीमदागमसुधासिन्धुः पञ्चमो विभागः तुब्भे पएसिस्स रगणो धम्ममाइक्खेजाह, तए णं से केसी कुमारसमणे चित्तं सारहिं एवं वयासी-अवि या ई चित्ता ! जाणिस्सामो 2 / तए णं से चित्ते सारही केसि कुमारसमणं वंदइ नमसइ जेणेव चाउग्घंटे बासरहे तेणेव उवागच्छइ चाउग्घंटे त्रासरहं दुरूहइ जामेव दिसिं पाउब्भूए तामेव दिसिं पडिगए 3 // सू० 160 // तए णं से चित्ते सारही कल्लं पाउप्पभायाए रयणीए फुल्लुप्पलकमल कोमलुम्मिलियंमि अहापंडुरे पभाए कयनियमावस्सए सहस्सरस्सिम्मि दिणयरे तेयसा जलंते सायो गिहायो णिग्गच्छइ जेणेव पएसिस्स रन्नो . गिहे जेणेव पएसी राया तेणेव उवागच्छइ पएसिं रायं करयल जाव ति कटु जएणं विजएणं वद्धावेइ, एवं वयासी-एवं खलु देवाणुप्पियाणं कंधोएहिं चत्तारि श्रामा उवणयं उवणीया, ते य मए देवाणुप्पियाणं अराणया चेव विणइया 1 / तं एह णं सामी ! ते श्रासे चिट्ठ पासह, तए णं से पएसी राया चित्तं सारहिं एवं वयासी-गच्छाहि णं तुमं चित्ता ! तेहिं चेव चउहिं श्रासेहिं अासरहं जुत्तामेव उवट्ठवेहि जाव पञ्चप्पिणाहि, तए णं से चित्ते सारही पएसिणा रन्ना एवं वुत्ते समाणे हटुतुट्ट जाव हियए उवट्ठवेइ एयमाणत्तियं पचप्पिणइ 2 / तए णं से पएसी राया चित्तस्स सारहिस्स अंतिए एयम सोचा णिसम्म हट्टतुटु जाव अप्पमहग्याभरणालंकियसरीरे सायो गिहायो निग्गच्छइ जेणामेव चाउग्घंटे यासरहे तेणेव उवागच्छइ चाउग्घंटे श्रासरहं दुरूहइ, सेयवियाए नगरीए मझमझेणं णिग्गच्छइ, तए णं से चित्ते सारहीतं रहं णेगाइं जोयणाइं उभामेइ, तए णं से पएसी राया उराहेण य तराहाए य रहवाएणं परिकिलते समाणे चित्तं सारहिं एवं क्यासीचित्ता ! परिकिलंते मे सरीरे परावत्तेहि रहं, तए णं से चित्ते सारही रह परावत्तेइ, जेणेव मियवणे उजाणे तेणेव उवागच्छइ, परसिं रायं एवं वयासी-एस णं सामी! मियवणे उजाणे एत्थ णं श्रासाणं समं किलामं
