________________ श्रीराजप्रश्नीय-सूत्रम् ] [ 151 नगरीयो कोढगायो चेइयायो पडिनिक्खमइ पंचहिं अणगारसएहिं जाव विहरमाणे जेणेव केयइश्रद्धे जणवए जेणेव सेयविया नगरी जेणेव मियवणे उजाणे तेणेव उवागच्छइ अहापडिरूवं उग्गहं उग्गिरिहत्ता संजमेणं तवसा अप्पाणं भावेमाणे विहरति 1 / तए णं सेयवियाए नगरीए सिंघाडग जाव महया जणसद्दे वा जाव परिसा णिग्गच्छइ, तए णं ते उजाणपालगा इमीसे कहाए लद्धट्ठा समाणा हट्टतुट्ट जाव हियया जेणेव केसी कुमारसमणे तेणेव उवागच्छंति केसि कुमारसमणं वंदति नमसंति श्रहापडिरूवं उग्गहं अणुजाणंति पाडिहारिएणं जाव संथारगणं उवनिमंतंति णामं गोयं पुच्छति श्रोधारेंति एगंतं अवकमंति अन्नमन्नं एवं वयासी-जस्स णं देवाणुप्पिया ! चित्ते सारही दंसणं कंखइ दंसणं पत्थेइ दंसणं पीहेइ दंसणं अभिलसइ जस्स णं णामगोयस्स वि सवणयाए हट्टतुट्ट जाव हियए भवति से णं एस केसी कुमारसमणे पुव्वाणुपुवि चरमाणे गामाणुगामं दूइजमाणे इहमागए इह संपत्ते इह समोसढे इहेव सेयवियाए णगरीए बहिया मियवणे उज्जाणे अहापडिरूवं जाव विहरइ, तं गच्छामो णं देवाणुप्पिया! चित्तस्स सारहिस्स एयम8 पियं निवेएमो पियं से भवउ, अराणमराणस्स अंतिए एयमट्ठ पडिसुणेति जेणेव सेविया णगरी जेणेव चित्तस्स सारहिस्स गिहे जेणेव चित्तसारही तेणेव उवागच्छंति चित्तं सारहिं करयल जाव वद्धाति एवं वयासी-जस्स णं देवाणुप्पिया ! दंसणं कंखंति जाव अभिलसंति जस्स णं णामगोयस्स वि सवणयाए हट्ट जाव भवह, से णं अयं केसी कुमारसमणे पुवाणुपुब्बि चरमाणे समोसढे जाव विहरइ 2 // सू० 157 // तए णं से चित्ते सारही तेसिं उजाणपालगाणं अंतिए एयम8 सोचा. णिसम्म हट्टतुट्ठ जाव (नरवरे) पासणायो अब्भुट्ठति पायपीढायो पच्चोरुहइ पाउयायो योमुयइ एगसाडियं उत्तरासंगं करेइ, अंजलि मउलियग्गहत्थे केसिकुमारसमणाभिमुहे सत्तट्ठ पयाई अणुगच्छद करयलपरिग्गहियं सिरसावत्तं
