________________ श्रीज्ञाताधर्मकथाङ्ग सूत्रम् / / अध्ययनं 3 ] [ 73 जाव अणुपरियट्टए 4 // सूत्रं 55 // तते णं से जिणदत्तपुत्ते जेणेव से मऊरीअंडए तेणेव उवागच्छति 2 तंसि मउरीअंडयंसि निस्संकिते, सुवत्तए णं मम एत्थ की नावणए मऊरीपोयए भविस्सतीतिकटु तं मऊरीअंडयं अभिक्खणं 2 नों उब्वत्तेत्ति जाव नो टिट्टियावेति 1 / तते णं से मउरीअंडए अणुव्वत्तिजमाणे जाव अटिट्टिया-विजमाणे तेणं कालेणं तेगां समएणं उब्भिन्ने मऊरिपोयए एत्थ जाते 2 / तते णं से जिणदत्तपुत्ते तं मऊरपोययं पासति 2 हट्टतुट्टे मऊरपोसए सदावेति 2 एवं वदासी-तुब्भे णं देवाणुप्पिया ! इमं मऊर-पोययं बहूहिं मऊर-पोसण-पाउग्गेहिं दव्वेहिं अणुपुब्वेणं सारक्खमाणा संगोवेमाणा संवड्ढेह नटुल्लगं च सिक्खावेह 3 / तते णं ते मऊरपोसगा जिणदत्तस्स पुत्तस्स एतमट्ठ पडिसुणेति 2 तं मउरपोययं गेराहंति जेणेव सए गिहे तेणेव उवागच्छंति 2 तं मयूरपोयगं जाव नटुलगं सिक्खाति 4 / तते णं से मऊरपोयए उम्मुक्कबालभावे विनाय परिणयमित्ते जोव्वणगमणुयत्ते लवखणवंजण-गुणोववेये माणुम्माणप्पमाण-पडिपुन्न-सुजायसव्वंगसुदरंगे पक्खपेहुणकलावे विचित्तपिच्छ-सत(च्छावसत्त)चंदए नीलकंठए नचणसीलए एगाए चप्पुडियाए कयाए समाणीए अणेगाति नटुल्लगसयाति केकारवसयाणि य करेमाणे विहरति, तते णं ते मऊरपोसगा तं मऊरपोयगं उम्मुक जाव करेमाणं पासित्ता 2 तं मऊरपोयगं गेराहंति 2 जिणदत्तस्स पुत्तस्स उवणेति, तते णं से जिणदत्तपुत्ते सत्यवाहदारए मऊरपोयगं उम्मुक्क जाव करेमाणं पासित्ता हट्टतु? तेसिं विपुलं जीवियारिहं पीतिदाणं जाव पडिविसज्जेइ 5 / तए णं से मऊरपोतए जिणदत्तपुत्तेणं एगाए चप्पुडियाए कयाए समाणीए णंगोलाभंगसिरोधरे सेयावंगे गिराहइ अवयारियपइन्नपक्खे उक्खित्त-चंदकातियकलावे केकाइयसयाणि विमुच्चमाणे णचइ 6 / तते णं से जिणदत्तपुत्ते तेणं मउरपोयएणं चंपाए नयरीए सिंघाडग जाव पहेसु सतिएहि य साह
