________________ 60 ] उवाइयलद्धे अम्मापियरो नायव भायं [ श्रीमदागमसुधासिन्धुः / चतुर्थो विभागः संबंधि-परियणनगर-महिलियाहि य भोयावेत्ता अयमेयास्वं गोन्नं गुणनिष्फन्नं नामधेज्जं करेंति जम्हा णं अम्हं इमे दारए बहूणं नागपडिमाण य जाव वेसमणपडिमाणा य उवाइयलद्धे णं ते होउ णं अम्हं इमे दारए देवदिन्ननामेणं 6 / तते णं तस्स दारगस्स अम्मापियरो नामधिज्ज करेंति देवदिन्नेत्ति, तते णं तस्स दारगस्स अम्मापियरो जायं च दायं च भायं च अक्खयनिहिं च अणुवड्डेति॥सूत्रं ४२॥तते णं से पंथए दासचेडए देवदिनस्स दारगस्स बालग्गाही जाए, देवदिन्नं दारयं कडीए गेराहति 2 बहूहिं डिभएहि य डिंभगाहि य दारएहि य दारियाहि य कुमारएहि श्र कुमारियाहि य सद्धिं संपरिबुडे अभिरममाणे अभिरमति 1 / तते णं सा भद्दा सत्थवाही अन्नया कयाई देवदिन्नं दारयं राहायं कयबलिकम्मं कयकोउयमंगल-पायच्छित्तं सवालंकारभूसियं करेति, पंथयस्स दासचेडयस्स हत्थयंसि दलयति 2 / तते णं से पंथए दासचेडए भदाए सत्थवाहीए हत्थात्रो देवदिन्नं दारगं कडिए गिराहति 2 सयातो गिहायो पडिनिक्खिमति 2 बहूहिं डिभएहि य डिभियाहि य जाव कुमारियाहि य सद्धिं संपरितुडे जेणेव रायमग्गे तेणेव उवागच्छइ 2 देवदिन्नं दारगं एगते ठावेति 2 बहूहिं डिंभएहि य जाव कुमारियाहि य सद्धिं संपरिबुडे पमत्ते यावि होत्था (विहरति) 3 / इमं च णं विजए तकरे रायगिहस्स नगरस्स बहूणि बाराणि य अवदाराणि य तहेव जाव श्राभोएमाणे मग्गेमाणे गवेसेमाणे जेणेव देवदिन्ने दारए तेणेव उवागच्छइ 2 देवदिन्नं दारगं सव्वालंकारविभूसियं पासति पासित्ता देवदिन्नस्स दारगस्स श्राभरणालंकारेसु मुछिए गढिए गिद्धे अभोववन्ने पंथयं दासचेडं पमत्तं पासति 2 दिसालोयं करेति करेत्ता देवदिन्नं दारगं गेराहति 2 कक्खंसि अल्लियावेति 2 उत्तरिज्जेणं पिहेइ 2 सिग्धं तुरियं चवलं चेतियं रायगिहस्स नगरस्स अवदारेणं निग्गच्छति 2 जेणेव जिराणुजाणे जेणेव भग्गकूवए तेणेव उवागच्छति 2
