________________ [ भीमदागमसुधासिन्यु :: चतुर्थो विभागः समाणे समणस्स भगवतो महावीरस्म अंतिए मुंडे भवित्ताणं श्रागारातो अणगारियं पवइत्तए 4 / तते णं सा धारिणी देवी तमणिटुं अकंतं अधियं अमणुन्नं अमणामं असुयपुवं फरूसं गिरं सोचा णिसम्म इमेणं एतारूवेणं मणोमाणसिएणं महया पुत्तदुक्खेणं अभिभूता समाणी सेयागयः रोमकूव-पगलंत-विलीणगाया सोयभर-पवेवियंगी णित्तेया दीण-विमण-वयणा करयलमलियव्व कमलमाला तक्खण-सोलुग्ग-दुब्बल-सरीरा लावन्न-सुन्ननिच्छाय-गतिरोया पसिदिल-भूमण पडतखुम्मिय-संचुनिय-धवल-बलय-पन्भट्ठः उत्तरिजा सूमाल-विकिन्न-केसहत्था मुच्छावस-गट्ठचेयगरई परसुनियत्तव्य चंपकलया निवत्तमहिमव्व इंदलट्ठी विमुकसंधिबंधणा कोट्टिमतलंसि सव्वंगेहिं धसत्ति पडिया 5 / तते णं सा धारिणी देवी ससंभमोवत्तियाए तुरियं कंत्रण-भिंगार-मुहविणिग्गय-सीपल-जलविमलधाराए परिसिंचमाणा निधावियगायलट्ठी उखेवण-तालवंटवीयणग-जणियवाएणं सफुसिएणं अंतेउरपरिजमोणं प्रासासिया समाणी मुत्तावलि-सन्निगाम-पवडंत-अंसुधाराहिं सिंचमाणी पोहरे कलुणविमणदीणा रोयमाणी कंदमाणी तिप्पमाणी सोयमाणी विलवमाणी मेहं कुमारं एवं वयासी-६ // सूत्रं 26 // तुमंसिणं जाया ! अम्हं एगे पुत्ते इट्टे कंते पिए मणुन्ने मणामे थेज्जे वेसासिए सम्मए बहुमए अणुमए भंडकरंडगसमाणे रयणे रयणभृते जीवियउस्सासय(जीविउस्मइए) हिययाणंदजणणे उबरपुष्पं व दुल्लभे सवणयाए किमंग पुण पासणयाए ? णो खलु जाया ! अम्हे इच्छामो खणमवि विप्पयोगं सहिंत्तते तं भुजाहि ताव जाया ! विपुले माणुस्सए कामभोगे जाव ताव वयं जीवामो तो पच्छा अम्हेहिं कालगतेहिं परिणयवए वड्डिय-कुलवंस-तंतुकमि निरावयखे समणस्स भगवश्री महावीरस्म अंतिए मुंडे भवित्ता श्रागारातो अणगारियं पब्वइस्मसि 1 / तते णं से मेहे कुमारे अम्मापिकहिं एवं वृत्ते समाणे अम्मापियरो एवं वदासी-तहेव गां तं अम्मतायो !
