________________ श्रीमदन्तकृद्दशाङ्ग-सूत्रम् / वर्गः 3 ] . [ 316 पप्फुतलोयणा कंचुयपडिक्खित्तया दरियवलयबाहा धाराहयकलंबपुष्फगंपिव समूससियरोमकूया ते छप्पि अणगारे अणिमिसाते दिट्ठीए पेहमाणी 2 सुचिरं निक्खिति 2 वंदति णमंसति 2 जेणेव अरिहा अरिहनेमी तेणेव उवागच्छति अरहं अरिटुनेमी तिक्खुत्तो थायाहिणपयाहिणं करेति 2 वंदति णमंसति 2 तेणेव धम्मियं जाणं दुरूहति 2 जेयोव बारवतीणगरी तेणेव उवागच्छति 2 बारवति नगरि अणुप्पविसति 2 जेणेव सते गिहे जेणेव बाहिरिया उवट्ठाणसाला तेणेव उवागच्छति. 2 ता धम्मियातो जाणप्पवरातो पचोरहति 2 जेणेव सते वासघरे जेणेव सए सयणिज्जे तेणेव उवागच्छति 2 ता सयंसि सयणिज्जसि निसीयति 7 / तते णं तीसे देवतीते दवीए अयं अभत्थिते 4 समुप्पराणे-एवं खलु अहं सरिसते जाव नलकुब्बरसमाणे सत पुत्ते पयाता, नो चेव णं मए एगस्सवि बालत्तणते समुन्भूते, एसविय णं कराहे वासुदेवे छराहं छराहं मासाणं ममं अंतियं पायवंदते हव्वमागच्छति, तं धन्नातो णं तायो अम्मायो जासिं मराणे णियगकुच्छिसंभूतयाई थणदुद्धलुद्धयाइं महुरसमुल्लावयाई ममणपजपियाई थणमूलकक्खदेसभागं अभिसरमाणाति मुद्धयाई पुणो य कोमलकमलोवमेहिं हत्थेहिं गिरिहऊण उच्छंगि णिवेसियाई देंति समुल्लावते सुमहुरे पुणो 2 मंजुलप्पभणिते, अहं णं अपना अपना अकयपुन्ना एत्तो एकतरमपि न पत्ता, श्रोहयमणसंकप्पा जाव झियायति 8 / इमं च णं कराहे वासुदेवे राहाते जाव विभूसिते देवतीए देवीए पायवंदते हब्वमागच्छति, तते णं से कराहे वासुदेवे देवई देवि जाव पासति 2 ता देवतीए देवीए पायग्गहणं करेति 2 देवती देवीं एवं वदासि-अन्नदा णं अम्मो! तुम्भे ममं एजमाणं पासेत्ता हट्ट जाव भवह, किराणं अम्मो ! अज तुब्भे श्रोहय जाव झियायह ?, तए णं सा देवती देवी कसहं वासुदेवं एवं वयासि-एवं खलु अहं पुत्ता ! सरिसए जाव समाणे सत्त पुत्ते पयाया
