________________ श्रीमदुपासकदंशाङ्ग-सूत्रम् :: अध्ययनं 2 ] [ 26 विप्पजहइ 2 एगं महं दिव्वं सप्परूवं विउव्वइ उग्गविसं चण्डविसं घोरविसं महाकायं मसी-मूसाकालगं नयणविस-रोसपुराणं अंजणपुज-निगरप्पगासं रत्तच्छं लोहियलोयणं जमल-जुयल-चञ्चलजीहं धरणीयल-वेणिभूयं उक्कड-फुडकुडिल--जडिल-कक्कसवियड--फडाडोव-करणदच्छं लोहागर-- धम्ममाण-धमधमेन्तघोसं अणागलिय-तिब्वचण्डरोसं सप्परूवं विउव्वइ 2 जेणेव पोसहसाला जेणेव कामदेवे समणोवासए तेणेव उवागच्छइ 2 कामदेवं समणोवासयं एवं वयासी-हं भो कामदेवा ! समणोवासया जाव न भंजेसि तो ते अज्जेव अहं सरसरस्स कायं दुरूहामि 2 पच्छिमेणं भाएणं तिक्खुत्तो गीवं वेढेमि 2 तिक्खाहिं विसपरिगयाहिं दाढाहिं उरंसि चेव निकुद्रेमि जहा णं तुमं अट्टदुहट्ट-वसट्टे अकाले चेव जीवियायो ववरोविजसि 1 / तए णं से कामदेवे समणोवासए तेणं देवेणं सप्परूवेणं एवं वुत्ते समाणे अभीए जाव विहरइ, सोऽवि दोच्चंपि तच्चपि भगाइ, कामदेवोऽवि जाव विहरइ 2 / तए णं से देवे सप्परूवे कामदेवं समणोवासयं अभीयं जाव पासइ 2 श्रासुरुत्ते 4 कामदेवस्स समणोवासयस्स सरसरस्स कायं दुरूहइ 2 पच्छिमभायेणं तिक्खुत्तो गीवं वेढेइ 2 तिक्खाहिं विसपरिगयाहिं दाढाहिं उरंसि चेव निकुट्टेइ, तए णं से कामदेवे समणोवासए तं उज्जलं जाव अहियासेइ 3 // सूत्रं 22 // तए णं से देवे सप्परूवे कामदेवं समणोवासयं अभीयं जाव पासइ 2 जाहे नो संचाएइ कामदेवं समणोवासयं निग्गन्थाश्रो पावयणायो चालित्तए वा खोभित्तए वा विपरिणामित्तए वा ताहे सन्ते 3 सणियं सणियं पच्चोसकाइ पोसहसालायो पडिणिक्खमइ 2 तादिव्वं सप्परूवं विप्पजहइ 2 एगं महं दित्वं देवरुवं विउव्वइ 1 / हारविराइयवच्छं जाव दस दिसायो उज्जोवेमाणं पभासेमाणं पासाईयं दरिसणिज्जं अभिरुवं पडिरूवं दिव्वं देवरुवं विउव्वइ 2 कामदेवस्स समणोवासयस्स पोसहसालं अणुप्पविसइ 2 अन्तलिक्खपडिवन्ने सखिङ्खि
