________________ श्रीमदुपासकदशाङ्ग-सूत्रम् :: अध्ययनं 2 ] [ 277 समणोवासया अप्पत्थियपत्थिया दुरन्तपन्त-लक्खणा हीणपुराण-चाउद्दसिया सिरिहिरि-सिरिधिइ-कित्तिपरिवजिया ! धम्मकामया पुराणकामया सग्गकामया मोक्खकामया धम्मकडिया पुराणकटिया सग्गकटिया मोक्खकलिया धन्मपिवासिया पुराणपिवासिया सग्गपिवासिया मोक्खपिवासिया ! नो खलु कप्पइ तव देवाणुप्पिया ! जं सीलाई वयाइं वेरमणाई पचक्खाणाइं पोसहोववासाइं चालित्तए वा खोभित्तए वा खण्डित्तए वा भजित्तए वा उज्झितए वा परिचइत्तए, वा, तं जइ णं तुमं अज सीलाई जाव पोसहोववासाइं न छड्डेसि न भंजेसि तो ते अहं अज इमेणं नीलुप्पल जाव असिणा खराडाखण्डि करेमि, जहा णं तुमं देवाणुप्पिया ! अट्टदुहट्टवसट्टे अकाले चेव जीवियाश्रो ववरोविजसि, तए णं से कामदेवे समणोवासए तेणं देवेणं पिसायरूवेणं एवं वुत्ते समाणे अभीए अतत्थे अणुविग्गे अक्खुभिए अचलिए असम्भन्ते तुसिणीए धम्मज्माणोवगए विहरइ // सूत्रं 11 // - तए णं से देवे पिसायरूवे कामदेवं समणोवासयं अभीयं जाव धम्मझाणोवगयं विहरमाणं पासइ 2 दोच्चंपि तच्चपि कामदेवं एवं वयासीहं भो कामदेवा ! समणोवासया अपत्थियपत्थिया, जइ णं तुमं अज जाव ववरोविजसि, तए णं से कामदेवे समणोवासए तेणं देवेणं दोच्चंपि तच्चपि एवं वुत्ते समाणे अभीए जाव धम्मज्माणोवगए विहरइ, तए णं से देवे पिसायरूवे कामदेवं समणोवासयं अभीयं जाव विहरमाणं पासइ 2 श्रासुरुत्ते रू? कुविए चण्डिकिए मिसिमिसियमाणे तिवलियं भिउहि निडाले साहट्ट कामदेवं समणोवासयं नीलप्पल जाव असिणा खराडाखण्डि करेइ, तए णं से कामदेवे समणोवासए तं उजलं जाव दुरहियासं वेयणं सम्मं सहई जाव अहियासेइ // सूत्रं 20 // .. तए णं से देवे पिसायरूवे कामदेवं समणोवासयं अभीयं जाव विहरमाणं पासइ 2 जाहे नो संचाएइ कामदेवं समणोवासयं निग्गन्थाश्रो पाव
