________________ 210 ] [ श्रीमदागमसुधासिन्धुः : चतुर्थो विभागः जाव झियाहि, तुमं मए सद्धिं विपुलाई भोगभोगाई भुजमाणी विहराहि 1 / तते णं सा दोवती देवी पउमणाभं एवं वयासी-एवं खलु देवाणुप्पिया ! जंबुद्दीवे 2 भारहे वासे बारवतिए णयरीए कराहे णामं वासुदेवे ममप्पियभाउए परिवसति, तं जति णं से छराहं मासाणं ममं कूवं नो हव्वमागच्छइ तते णं अहं देवाणुप्पिया ! जं तुमं पदसि तस्स प्राणा-अोवायवयण-णिद से चिट्ठिस्सामि, तते णं से पउमे दोवतीए एयमट्ठ पडिसुणेत्ता 2 दोवतिं देविं कराणंतेउरे ठवेति, तते णं सा दोवती देवी छटुंछट्टेणं अनिक्खित्तेणं यायंबिल-परिग्गहिएणं तवोकम्मेणं अप्पाणं भावमाणी विहरति 10 // सूत्रं 126 // तते णं से जुहुटिल्ले राया तयो मुहुत्तेतरस्त पडिबुद्धे समाणे दोवतिं देवि पासे यपासमाणो सयणिज्जायो उ?इ 2 ता दोक्तीए देवीए सवयो समंता मग्गणगवेसणं करेइ 2 त्ता दोवतीए देवीए कत्थइ सुई वा खुइं वा पत्तिं वा अलभमाणे जेणेव पंडुराया तेणेव उवागच्छति 2 ता पंडुरायं एवं वयासी-एवं खलु तायो ! ममं अागासतलगंसि पसु. त्तस्स पासातो दोवती देवी णं गजति केणइ देवेण वा दाणवेण वा किनरेण वा महोरगेण वा गंवव्वेण वा हिया वा णीया वा अवक्खित्ता वा ?, इच्छामि णं तायो ! दोक्तीए देवीए सब्बतो समंता मंग्गणगवेसणं कयं 1 / तते णं से पंडुराया कोडुबिरपुरिसे. सद्दावेइ 2 एवं वयासीगच्छह णं तुम्भे देवाणुप्पिया ! हत्यिणाउरे नयरे सिंघाडग-तिय-चउक्कचचर-महापहपहेसु महया 2 सद्दणं उग्गोसेमाणा 2 एवं वयासी-एवं खलु देवाणुप्पिया ! जुहिट्ठिलस्स रगणो श्रागासतलगंसि सुहपसुत्तस्स पासातो दोवती देवी ण णजति केणइ देवेण वा दाणवेण वा किंपुरिसेण वा किन्नरेण वा महोरगेण वा गंधव्वेण वा हिया वा नीया वा अवक्खित्ता वा, तं जो णं देवाणुप्पिया ! दोवतीए देवीए सुति वा जाव पवित्तिं वा परिकहेति तस्स णं पंडुराया विउलं अत्थसंपयाणं दाणं दलयतित्तिकटु
