________________ श्रीज्ञाताधर्मकथाङ्ग-सूत्रम् :: अध्ययनं 15 ] [181 पुरिसा धरणस्स एयमट्ठनो सद्दहति 3 धराणस्स एतमट्ठ असदहमाणा 3 जेणेव ते नंदिफला तेणेव उवागच्छंति 2 तेसिं नंदिफलाणं मूलाणि य जाव वीसमंति तेसि णं यावाए भद्दए भवति ततो पच्छा परिणममाणा जाव ववरोति 8 / एवामेव समणाउसो ! जो अम्हं निग्गंथो वा निग्गंथी वा पव्वतिए पंचसु कामगुणेसु सज्जेति 3 जाव अणुपरियट्टिस्सति जहा व ते पुरिसा 1 / तते णं से धरणे सगडीसागडं जोयावेति 2 जेणेव अहिच्छत्ता नगरी तेणेव उवागच्छति 2 अहिच्छत्ताए णयरीए बहिया अग्गुजाणे सस्थनिवेसं करेति 2 सगडीसागडं मोयावेइ, तए णं से धराणे सस्थवाहे महत्थं 3 रायरिहं पाहुडं गेराहइ 2 बहुपुरिसेहिं सद्धिं संपरितुडे अहिच्छत्तं नयरं मझमझेणं अणुप्पविसइ जेणेव कणगकेऊ राया तेणेव उवागच्छति, करयल जाव वद्धावेइ, तं महत्थं 3 पाहुडं उवणेइ 10 / तए णं से कणगऊ राया हट्टतुटे धरणस्स सस्थवाहस्स तं महत्थं 3 जाव पडिच्छइ 2 धरणं सत्थवाहं सकारेइ सम्माणेइ 2 उस्सुक्कं वियरति 2 पडिविसज्जेइ भंडविणिमयं करेइ 2 पडिभंडं गेहति 2 सुहंसुहेगां जेणेव चंपानयरी तेणेव उवागच्छति 2 मित्तनाति-नियगसजण-संबंधिपरिजणे अभिसमन्नागते विपुलाई माणुस्सगाई जाव विहरति 11 / तेणं कालेणं .2 थेरागमणं धरणे धम्मं सोचा जेट्टपुत्तं कुडुबे प्रवेत्ता पव्वइए एकारस सामाइयाति अंगातिं बहूणि वासाणि जाव मासियाए संलेहणाए अन्नतरेसु देवलोएसु देवत्ताए उववन्ने, महाविदेहे वासे सिज्झिहिति जाव अंतं करेति 12 / एवं खलु जंबू ! समणेणं भगवया महावीरेणं पन्नरसमस्स नायज्झयणस्स श्रयम? पराणत्तेत्तिबेमि 13 // सूत्रं 111 // पन्नरसमं नायज्झयणं समत्तं॥ ॥इति पञ्चदशमध्ययनम् // 15 //
