________________ 144 ] [ श्रीमदागमसुधासिन्धुः :: चतुर्थो विभाग पालयामि ?, ताहे तुभे वदह-अम्हे तारयाहि अम्हे पालयाहि, सेलए भे जक्खे परं रयणदीवदेवयाए हत्थायो साहत्थिं णित्थारेजा, भे न याणामि इमेसि सरीरगाणं का मरणे आवई भविस्सइ ? 8 // सूत्रं 86 // तते णं ते मागंदियदारया तस्स सूलाइयस्स अंतिए एयमटुं सोचा निसम्म सिग्धं चंडं चवलं तुरियं चेइयं जेणेव पुरच्छिमिल्ले वणसंडे जेणेव पोक्खरिणी तेणेव उवागच्छंति 2 पोक्खरिणिं गाहंति 2 जलमजणं करेन्ति 2 जाई तत्थ उप्पलाइं जाव गेराहंति 2 जेणेव सेलगस्स जक्खस्स जक्खाययणे तेणेव उवागच्छंति 2 बालोए पणामं करेंति 2 महरिहं पुप्फचणियं करेंति 2 जराणुपायवडिया सुस्सूममाणा णमंसमाणा पज्जुवासंति 1 / तते णं से सेलए जक्खे भागतसमए पत्तसमए एवं वदासी-कं तारयामि कं पालयामि ?, तते णं ते मागंदियदारया उट्टाए उट्ठति करयल जाव एवं वयाती-अम्हे तारयाहि अम्हे पालयाहि 2 / तए णं से सेलए जक्खे ते मागंदियदारया एवं वयासी-एवं खलु देवाणुप्पिया ! तुम्भं मए सद्धिं लवणसमुद्दे णं मझ 2 वीइवयमाणेणं सा रयणदीवदेवया पावा चंडा रुद्दा खुद्दा साहसिया बहूहिं खरएहि य मउएहि य अणुलोमेहि य पडिलोमेहि य सिंगारेहि य कलुणेहि य उवसग्गेहि य उवसंग्गं करेहिति, तं जति णं तुम्भे देवाणुप्पिया ! रयणदीवदेवयाए एतम8 अाढाह वा परियाणह वा अवयेक्खह वा तो भे अहं पिट्ठातो विधुणामि, यह णं तुब्भे रयणदीवदेवयाए एतमट्ठ णो अाढाह णो परियाणह णो अवे(अवय)क्खह तो भे रयणदीव-देवया हत्थातो साहत्थिं णित्यारेमि 3 / तए णं ते मागंदियदारया सेलगं जक्खं एवं वदासी-जगणं देवाणुप्पिया ! वइस्संति तस्स णं उववाय-वयणणिद्दे से चिट्ठिस्सामो 4 / तते णं से सेलए जक्खे उत्तरपुरच्छिमं दिसीभागं अवकमति 2 वेउब्विय-समुग्धाएणं समोहणति 2 संखेन्जाति जोयणाई दंडं निस्सरइ दोच्चंपि तच्चपि वेउब्वियसमुघाएणं
