________________ श्रीमद्व्याख्याप्रज्ञप्ति (श्रीमद्भगवति) सूत्रं :: शतकं 15:: उद्देशकः 1 ] [ 525 सिद्धे जाव सव्वदुक्खपहीणे इड्डिसकारसमुदएणं मम सरीरगस्स णीहरणं करेह, तए णं ते श्राजीविया थेरा गोसालस्स मंखलिपुत्तस्स एयमटुं विणएणं पडिसुणेति 21 // सूत्रं 554 // तए णं तस्स गोसालस्स- मंखखिपुत्तस्स सत्तरत्तंसि परिणममाणंसि पडिलद्धसम्मत्तस्स श्रयमेयारूवे अब्भत्थिए जाव समुप्पजित्था-णो खलु अहं जिणे जिणप्पलावी जाव जिणसह पगासेमाणे विहरति, अहं णं गोसाले चेव मंखलिपुत्ते समगाघायए समणमारए समणपडिणीए पायरियउवज्झायाणं अयसकारए श्रवन्नकारए अकित्तिकारए बहुहिं असब्भावुभावणाहि मिच्छत्ताभिनिवेसेहि य अप्पाणं वा परं वा तदुभयं वा वुग्गाहेमाणे वुप्पाएमाणे विहरित्ता सएणं तेएणं अन्नाइ8 समाणे अंतो सत्तरत्तस्स पित्तजरपरिगयसरीरे दाहवक्कंतीए छउमत्थे चेव कालं करेस्सं, समणे भगवं महावीरे जिणे जिणप्पलावी जाव जिणसह पगासेमाणे विहरइ 1 / एवं संपेहेंति एवं संपेहित्ता श्राजीविए थेरे सद्दावेइ 2 उच्चावय-सवहसाविए करेति 2 एवं वयासी-नो खलु अहं जिणे जिणप्पलावी जाव पकासेमाणे विहरइ, अंहन्न गोसाले मंखलिपुत्ते समणघायए जाव छउमत्थे चेव कालं करेस्सं, समणे भगवं महावीरे जिणे जिणप्पलावी जाव जिणसह पगासेमाणे विहरइ 2 / तं तुज्झे णं देवाणुप्पिया ! ममं कालगयं जाणेत्ता वामे पाए सुबेणं बंधेह 2 तिक्खुत्तो मुहे उठुहह तिक्खुत्तो 2 सावत्थीए नगरीए सिंघाडग जाव पहेसु आकढिविकिट्टि करेमाणा महया 2 सद्दे णं उग्घोसेमाणा 2 एवं वदहनो खलु देवाणुप्पिया ! गोसाले मंखलिपुत्ते जिणे जिणप्पलावी जाव विहरिए, एस णं गोसाले चेव मंखलिपुत्ते समणघायए जाव छउमत्थे चेव कालगए 3 / समणे भगवं महावीरे जिणे जिणप्पलावी जाव विहरइ महया अणिड्डी-असकारसमुदएणं मम सरीरगस्स नीहरणं करेजाह, एवं वदित्तो कालगए 4 // सूत्रं 555 // तए णं श्राजीविया थेरा गोसालं
