________________ 468 ] / श्रीमदागमसुधासिन्धुः // तृतीयो विभागः सद्दावेति 2 एवं क्यासी-खिप्पामेव भो देवाणुप्पिया ! वीतीभयं नगरं सभितर-बाहिरियं जाव पचप्पिणंति 17 / तए णं से उदायण राया दोच्चपि कोडुबियपुरिसे सदावेति 2 एवं वयासी-खिप्पामेव भो देवाणुप्पिया ! केसिस्स कुमारस्त महत्थं 3 एवं रायाभिसेयो जहा सिवभदस्स कुमारस्स तहेव भाणियन्वो जाव परमाउं पालयाहि इट्ठजण-संपरिबुडे सिंधुसोवीर-पामोक्खाणं सोलसराहं जणवयाणं वीतीभय-पामोक्खाणं तिराहं तेसट्ठीणं नगरागरसयाणं महसेणप्पामोक्खाणं दसराहं राया णं अन्नेसिं च बहूणं राईसर जाव कारेमाणे पालेमाणे विहराहित्तिकटु जयजयसद्द पउंजंति 18 ।तए णं से केसीकुमारे राया जाए महया जाव विहरति 11 / तए णं से उदायणे राया केसिं रायाणं श्रापुच्छइ, तए णं से केसीराया कोडवियपुरिसे सदावेति एवं जहा जमालिस्स तहेव सभितरवाहिरियं तहेव जाव निक्खमणाभिसेयं उवट्ठवेति 20 / तए णं से केसीरायो अणेगगणणायग जाव संपरिबुडे उदायणं रायं सीहासणवरंसि पुरस्थाभिमुहे निसीयावेति 2 अट्ठसएणं सोवनियाणं एवं जहा जमालिस्स जाव एवं वयासीभण सामी ! किं देमो ? किं पयच्छामो ? किंणा वा ते अट्ठो ?, तए णं से उदायणे राया केसिं रायं एवं वयासी-इच्छामि | देवाणुप्पिया ! कुत्तियावणायो एवं जहा जमालिस्स नवरं पउमावती अग्गकेसे पडिच्छइ पियविप्पयोगदूसणा 21 / तए णं से केसी राया दोच्चपि उत्तरावकमणं सीहासणं रयावेति 2 उदायणं रायं सेयापीतएहिं कलसेहिं सेसं जहा जमालिस्स जाव सन्निसन्ने तहेव अम्मधाती नवरं पउमावती हंसलक्खणं पडसाडगं गहाय सेसं तं चेव जाव सीयायो पचोरुभति 2 जेणेव समणे भगवं महावीरे तेणेव उवागच्छइ 2 समणं भगवं महावीरं तिक्खुत्तो वंदति नमंसति 2 उत्तरपुरच्छिमं दिसीभागं अवक्कमति 2 सयमेव श्राभरणमल्लालंकारं तं चेव पउमावती पडिच्छति जाव घडियव्वं सामी ! जाव
