________________ 466 ] ( श्रीमदागमसुधासिन्धुः / तृतीयो विभागः सुकुमाल जाव सुरूवे, से णं उदायणे राया सिंधुसोवीरप्पामोक्खाणं सोलसराहं जणवयाणं वीतीभयप्पामोक्खाणं तिराहं तेसट्ठीणं नगरागरसयाणं (नगरसयाणं) महसेणप्पामोक्खाणं दसराहं राईणं बद्धमउडाणं विदिन-छत्तचामर-बालवीयणाणं अन्नेसिं च बहूणं राईसर-तलवर जाव सत्थवाहप्पभिईणं आहेवच्चं जाव कारेमाणे पालेमाणे समणोवासए अभिगयजीवाजीवे जाव विहरइ 7 / तए णं से उदायणे राया अन्नया कयाइ जेणेव पोसहसाला तेणेव उवागच्छइ जहा संखे जाव विहरइ 8 / तए णं तस्स उदायणस्स रन्नो पुव्वरत्तावरत्त-कालसमयंसि धम्मजागरियं जागरमाणस्स अयमेयारूवे अब्भत्थिए जाव समुप्पजित्था-धन्ना णं ते गामागर-नगर-खेड-कबड-मडंबदोणमुह-पट्टणासम-संबाह-सन्निवेसा जत्थ णं समणे भगवं महावीरे विहरइ, धन्ना णं ते राईसर-तलवर जाव सत्थवाहप्पभिईयो जे णं समणं भगवं महावीरं वंदंति नमसंति जाव पज्जुवासंति, जइ णं समणे भगवं महावीरे पुव्वाणुपुब्बिं चरमाणे गामाणुगामं जाव विहरमाणे इहमागच्छेजा इह समोसरेजा इहेव वीतीभयस्स नगरस्स बहिया मियवणे उजाणे अहापडिरूवं उग्गहं उग्गिरिहत्ता संजमेणं तवसा जाव विहरेजा तो णं अहं समणं भगवं महावीरं वंदेजा नमसेजा जाव पज्जुवासेजा 1 / तएं णं समणे भगवं महावीरे उदायणस्स रन्नो अयमेयारूवं अब्भत्थियं जाव समुप्पन्नं वियाणित्ता चंपायो नगरीयो पुन्नभदायो चेइयायो पडिनिक्खमति 2 पुवाणुपुब्बिं चरमाणे गामाणुगाम दूइज्जमाणे जाव विहरमाणे जेणेव सिंधुसोवीरे जणवए जेणेव वीतीभये णगरे जेणेव मियवणे उजाणे तेणेव उवागच्छति 2 जाव विहरति 10 / तए णं वीतीभये नगरे सिंघाडग जाव परिसा पज्जुवासइ 11 / तए णं से उदायणे राया इमीसे कहाए लट्ठ समाणे हट्टतुट्टहियये कोडबियपुरिसे सदावेति 2 एवं वयासी-खिप्पामेव भो देवाणुप्पिया ! बीयोभयं नगरं सभितरबाहिरियं जहा कूणियो उववाइए
