________________ 738 ) श्रीमदागमसुधासिन्धुः / तृतीयो विभाग पएसिया खंधा निरेया दवट्ठयाए असंखेजगुणा 8 पएसट्टयाए एवं चेव, नवरं परमाणुपोग्गला अपएसट्टयाए भाणियव्वा, संखेजपएसिया खंधा निरेया पएसट्टयाए असंखेजगुणा सेसं तं चेव, दवट्ठपएसट्टयाए सव्वत्थोवा अणंतपएसिया खंधा निरेया दवट्टयाए 1 ते चेव पएसट्टयाए अणंतगुणा 2 श्रणंतपएसिया खंधा सेया दवट्ठयाए अणंतगुणा 3 ते चेव पएसट्टयाए श्रणंतगुणा 4 परमाणुपोग्गला सेया दवट्ठयाए अपएसट्टयाए अणंतगुणा 5 संखेजपएमिया खंधा सेया दव्वट्टयाए असंखेनगुणा 6 ते चेव पएसट्ठयाए असंखेजगुणा 7 असंखेजपएसिया खंधा सेया दव्वठ्ठयाए असंखेजगुणा 8 ते चेव पएसट्टयाए असंखेजगुणा 1 परमाणुपोग्गला निरेया दव्वट्ठअपएसट्टयाए असंखिजगुणा 10 संखिजपएसिया खंधा निरेया दव्वट्ठयाए असंखेजगुणा 11 ते चेव पएसट्ठयाए संखिजगुणा 12 असंखिज. पएसिया खंधा निरेया दव्वट्टयाए असंखेजगुणा 13 ते चेव पएसट्टयाए असंखिजगुणा 14, 14 / परमाणुपोग्गले णं भंते ! किं देसेए सव्वेए निरेए ?, गोयमा ! नो देसेए सिय सव्वेए सिय निरेए 15 / दुपएसिए णं भंते ! खंधे पुच्छा, गोयमा ! सिय देसेए सिय निरेए एवं जाव अणंतपएसिए 16 / परमाणुपोग्गला णं भंते ! किं देसेया सव्वेया निरेया ?, गोयमा ! नो देसेया सव्वेयावि निरेयावि 17 / दुपएसिया णं भंते ! खंधा पुच्छा, गोयमा ! देसेयावि सव्वेयावि निरेयावि, एवं जाव अणंतपए. सिया 18 / परमाणुपोग्गले णं भंते ! सब्वेए कालश्रो केवचिरं होइ 1, गोयमा ! जहन्नेणं एक्कं समयं उक्कोसेणं श्रावलियाए असंखेजइ. भागं 16 / निरेये कालो केवचिरं होइ ?, गोयमा ! जहन्नेणं एक्क समयं उक्कोसेणं असंखिज्ज कालं 20 / दुपएसिए णं भंते ! खंधे देसेए कालो केवचिरं होइ ?, गोयमा ! जहन्नेणं एक्कं समयं उकोसेणं श्रावलियाए असंखेइभागं 21 / सव्वेए कालो केवचिरं होइ ?,
