________________ HEALTHTHANE 662 / - 1 श्रीमदागमसुधासिन्धु :: तृतीयो विभागः णवरं गवसुवि गमएसु परिमाणे जहन्नेणं एक्को वा दो वा तिन्नि वा उक्कोसेणं संखेजा असंखेजा वा उववज्जति भवादेसेणवि णवसुवि गमएसु जहन्नेणं दो भवग्गहणाई उक्कोसेणं अट्ठ भवग्गहणाई, सेसं तं चेव कालादेसेणं उभयो ठितीए करेजा 14 / जइ अाउकाइएहितो उववजइ एवं बाउकाइयाणवि एवं जाव चउरिदिया उववाएयव्वा, नवरं सव्वस्थ अप्पणो लद्धी भाणियव्वा 15 / णवसुवि गमएसु भवादेसेणं जहन्नेणं दो भवग्गहणाई उकोसेणं अट्ठ भवग्गहणाई कालादेसेणं उभयो ठिती करेजा सव्वेसिं सव्वगमएसु जहेव पुढविकाइपसु उववजमाणाणं लद्धी तहेव सव्वत्थ ठिति संवेहं च जाणेजा 16 / जइ पंचिंदियतिरिक्खजोणिएहितो उववज्जति किं सन्निपंचिंदियतिरिक्खजोणिएहितो उववज्जंति असन्निपंचिंदियतिरिक्खजोणिएहिंतो उववज्जति ?, गोयमा ! सन्निपंचिंदिय असन्निपंचिदियभेयो जहेब पुढविकाइएसु उववजमाणस्स जाव असन्निपंचिंदियतिरिक्खजोणिए णं भंते ! जे. भविए. पंचिंदिय तिरिक्खजोणिएसु उववज्जंति से णं भंते ! केवति कालं उववज्जंति ?, गोयमा ! जहन्नेणां अंतोमुहत्तं उक्कोसेणं पलिग्रोवमस्स असंखेजइभागद्वितीएसु उववज्जंति, ते णं भंते ! अवसेसं जहेव पुढविकाइएसु उववजमाणस्स असन्निस्स तहेव निरवसेसं जाव भवादेसोत्ति, कालादेसेणं जहन्नेणं दो अंतोमुहुत्ताई उक्कोसेणं पलिश्रोवमस्स असंखेजइभागं पुत्वकोडिपुहुत्तमब्भहियं एवतियं कालं जाव करेजा 1, 17 / बितियगमए एस चेव लद्धी नवरं कालादेसेणं जहन्नेणं दो अंतोमुहुत्ता उक्कोसेणं चत्तारि पुव्वकोडीयो चउहिं अंतोमुहुत्तेहिं अब्भहियायो एवतियं कालं जाव करेजा 2, 18 / सो चेव उक्कोसकालद्वितीएसु उववन्नो जहन्नेणं पलियोवमस्स असंखेजतिभागट्टिइएसु उक्कोसेणं पलियोवमस्स असंखेजइभागट्ठितिएसु उववज्जंति, ते णं भंते ! जीवा एवं जहा रयणप्पभाए उववजमाणस्स
