________________ श्रीमद्व्याख्याप्रज्ञप्ति (श्रीमद्भगवति) सूत्र :: शतकं ? : उ० 5 ] नेरइया तहा, नवरं पडिलोमा भंगा भाणियब्वा-सव्वेवि ताव होज लोभोवउत्ता, अहवा लोभोवउत्ता य मायोवउत्ते य, अहवा लोभोवउत्ता य मायोवउत्ता य, एएणं गमेणं नेयव्वं जाव थणियकुमाराणं, नवरं णाणतं जाणियव्वं // सू० 47 // असंखेज्जेसु णं भंते ! पुढविकाइयावास-सयसहस्सेसु एगमेगंसि पुढविकाइयावासंसि पुढविकाइयाणां केवतिया ठितिठाणा पराणत्ता ?, गोयमा ! असंखेजा ठितिठाणा पराणन्ना, तंजहा-जहनिया ठिई जाव तप्पाउग्गुकोसिया ठिई 1 / असंखेज्जेसु णं भंते ! पुढविकाइयावास-सयसहस्सेसु एगमेगंसि पुढविकाइयावासंसि जहनियाए ठितीए वट्टमाणा पुढविकाइया किं कोहोवउत्ता माणोवउत्ता मायोवउत्ता लोभोवउत्ता ?, गोयमा ! कोहोवउत्तावि माणोवउत्तावि मायोवउत्तावि लोभोवउत्तावि, एवं पुढविक्काइयाणं सव्वेसुवि ठाणेसु अभंगयं, नवरं तेउलेस्साए असीति भंगा, एवं थाउकाझ्यावि, तेउकाइय-वाउकाइयाणं सव्वेसुवि ठाणेसु अभंगयं 2 / वणस्सइकाइया जहा पुढविक्काइया 3 // सू० 48 // बेइंदियतेइंदियचउंरिंदियाणं जेहिं ठाणेहि नेरतियाणं असीइभंगा तेहिं ठाणेहिं असीई चेव, नवरं अभहिया सम्मत्ते ग्राभिणिबोहियनाणे सुयनाणे य, एएहिं असीइभंगा, जेहिं ठाणेहिं नेरतियाणं सत्तावीसं भंगा तेसु ठाणेसु सम्बेसु अभंगयं 1 / पंचिंदियतिरिक्खजोणिया जहा नेरइया तहा भाणियव्वा, नवरं जेहिं सत्तावीसं भंगा तेहिं अभंगयं कायव्वं जत्थ असीति तत्थ ग्रासीति चेव 2 / मणुस्साणवि जेहिं ठाणेहिं नेरइयाणं असीतिभंगा तेहिं गणेहिं मणुस्साणवि असीतिभंगा भाणियब्वा, जेसु ठाणेस सत्तावीसा तेसु अभंगयं, नवरं मणुस्साणं अभहियं जहन्निया ठिई थाहारए य असीति भंगा 3 / वाणमंतर-जोइस-वेमाणिया जहा भवणवासी नवरं णाणत्तं जाणियव्वं जं जस्स, जाव अणुत्तरा, सेवं भंते ! सेवं भंते ! त्ति 4 // सू० 41 // पंचमो उद्दसो सम्मत्तो // // इति प्रथमशतके पञ्चम उद्देशकः // 1-5 //
