________________ / श्रीमदागमसुधासिन्धुः। द्वितीयों विभागः जियविग्योऽवि य वसाहि तं देवं ! सिद्धिमझे णिहणाहि य रागदोसमल्ले तवेण धितिधणियबद्धकच्छे महाहि अट्टकम्मसत्तू झाणेणं उत्तमेणं सुक्केणं अप्पमत्तो हराहि श्राराहणपडागं च धीर ! तेलोकरंगमज्झे पावय वितिभिरमणुत्तरं केवलं च णाणं गच्छय मोक्खं परं पदं जिणवरोवदिठेणं सिद्धिमग्गेणं अकुडिलेणं हंता परीसहचमू अभिभविय गामकंटकोवसग्गाणं धम्मे ते अविग्धमत्थुत्तिकट्टु अभिनंदति यः अभिथुणति य 30 / तए णं से जमाली खत्तियकुमारे नयणमालासहस्सेहिं पिच्छिजमाणे 2 एवं जहा उववाइए कूणियो जाव णिगच्छति निग्गच्छित्ता जेणेव माहणकुडग्गामे नयरे जेणेव बहुसालए चेइए तेणेव उवागच्छइ तेणेव उवागच्छित्ता छत्तादीए तित्थगरातिसए पासइ पासित्ता पुरिससहस्सवाहिणीं सीयं ठवेइ 2 पुरिससहस्सवाहिणीयो सीयायो पचोरुहइ 31 / तए णं तं जमालिं खत्तियकुमारं अम्मापियरो पुरयो काउं जेणेव समणे भगवं महावीरे तेणेव उवागच्छति तेणेव उवागच्छित्ता समणं भगवं महावीरं तिक्खुत्तो जाव नमंसित्ता एवं वदासी-एवं खलु भंते ! जमाली खत्तियकुमारे अम्हं एगे पुत्ते इ8 कंते जाव किमंग पुण पासणयाए ? से जहानामए-उप्पलेइ वा पउमेइ वा जाव पउमसहस्सपत्तेइ वा पंके जाए जले संवुड्ढे णोवलिपति पंकरएणं णोवलिप्पइ जलवरएणं एवामेव जमालीवि खत्तियकुमारे कामेहिं जाए भोगेहिं संवुड गोवलिप्पइ कामरएणं णोवलिप्पइ भोगरएणं णोवलिप्पइ , मित्त-णाइ-नियग-सयण-संबंधिपरिजणेणं, एस णं देवाणुप्पिया ! संसारभउधिग्मे भीए जम्मणमरणेणं देवाणुप्पियाणं अंतिए मुंडे भवित्ता अगाराश्रो अणगारियं पव्वएइ, तं एयन्नं देवाणुप्पियाणं अम्हे सीस-भिक्खं दलयामो, पडिच्छंतु णं देवाणुप्पिया ! सीसभिक्खें, तए णं समणे भगवं महावीरे तं जमालिं खत्तियकुमारं एवं वयासी-ग्रहासुहं देवाणुप्पिया ! मा पडिबंध करेह 32 / तए णं से जमाली खत्तियकुमारे समणेणं भगवया
