________________ 36 ] [ श्रीमदागमसुधासिन्धुः / द्वितीयो विमागः कुमारस्स परेणं जत्तेग चउरंगुलवज्जे निक्खमणपोगे अग्गकेसे (पडि)कप्पेहि 1 / तए णं से कासवे जमालिस्स खत्तियकुमारस्स पिउणा एवं वुत्ते समाणे हट्टतुट्टे करयल जाव एवं सामी ! तहत्ताणाए विणएणं वयणं पडिसुणेइ 2 ता सुरभिणा गंधोदएणं हत्थपादे पक्खालेइ सुरभिणा 2 सुद्धाए अट्ठपडलाए पोत्तीए मुहं बंधइ मुहं बंधित्ता जमालिस्स खत्तियकुमारस्स परेणं जत्तेणं चउरंगुलवज्जे निक्खमणपयोगे अग्गकेसे कप्पइ 10 / तए णं सा जमालिस्स खत्तियकुमारस्स माया हंसलक्खणेणं पडसाडएणं अग्गकेसे पडिच्छइ अग्गकेसे पडिच्छित्ता सुरभिणा गंधोदएणं पक्खालेइ सुरभिणा गंधोदएणं पक्खालेत्ता अग्गेहिं वरेहिं गंधेहिं मल्लेहिं अञ्चेति 2 सुद्धवत्थेणं बंधेइ सुद्धवत्येणं बंधित्ता रयणकरंडगंसि पक्खिवति 2 हार-वारिधारा-सिंदुवार-छिन्न-मुत्तावलिप्पगासाइंसुय-वियोग-दूसहाई अंसूई विणिम्मुयमाणी 2 एवं वयासी-एस णं श्रम्हं जमालिस्स खत्तियकुमारस्स बहूसु तिहीसु य पव्वणीसु य उस्सवेसु य जन्नेसु य छणेसु य अपच्छिमे दरिसणे भविस्सतीतिकटु श्रोसीसगमूले ठवेति 11 / तए णं तस्स जमालिस्स खत्तियकुमारस्स अम्मापियरो दोच्चपि उत्तरावकमणं सीहासणं रयाति 2 जमालिस्स खत्तियकुमारस्स सीयापीयएहिं कलसेहिं नाराहेति सीयापीयएहि कलसेहिं नाराहेत्ता पम्हसुकुमालाए सुरभिए गंधकासाइए गायाइं लूहेंति सुरभिए गंधकासाइए गायाई गुहेत्ता सरसेणं गोसीसचंदणेणं गायाई अणुलिंपन्ति गायाइं अणुलिंपित्ता नासा-निस्सास-वायवोझं चक्खुहरं वन-फरिस-जुत्तं हय-लाला-पेलवातिरेगं धवलं कणगखचियंतकम्मं महरिहं हंसलवखण-पडसाडगं परिहिति 2 हारं पिणद्धेति 2 श्रद्धहारं पिणद्धेति 2 एवं जहा सूरियाभस्स अलंकारो तहेव जाव चित्तं रयणसंकडुक्कडं मउडं पिणद्धति, कि बहुणा ?, गंथिम-वेढिम-पूरिमसंघातिमेणं चउविहेणं मल्लेणं कप्परुक्खगं पिव अलंकियविभूसियं करेंति
