________________ 26.] [ श्रीमदागमसुधासिन्धु :: द्वितीयो-विभागः . ययो जाव वेमाणियस्स, एवं जाव अंतराइयस्स भाणियव्वं, नवरं वेयणिजस्स पाउयस्स णामस्स गोयस्स एएसि चउराहवि कम्मा मणूसस्स जहा नेरइयस्स तहा भाणियव्वं सेसं तं चेव 1 // सूत्रं 351 // जस्स णं भंते ! नाणावरणिज्जं तस्स दरिसणावरणिज्जं जस्स दंसणावरणिज्ज तस्स नाणावरणिज्जं ?, गोयमा ! जस्स णं नाणावरणिज्जं तस्स दंसणावरणिज्ज नियमा अस्थि जस्स णं दरिसणावरणिज्जं तस्सवि नाणावरणिज्जं नियमा अत्थि 1 / जस्स णं भंते ! णाणावरणिज्जं तस्स वेयणिज्जं जस्स वेयणिज्ज तस्स णाणावरणिज्जं?, गोयमा ! जस्स नाणावरणिज्जं तस्स वेयणिज्जं नियमा अत्थि जस्स पुण वेयणिज्जं तस्स णाणावरणिज्जं सिय अस्थि सिय नत्थि 2 / जस्स णं भंते ! नाणावरणिज्जं तस्स मोहणिज्जं जस्स मोहणिज्जं तस्स नाणावरणिज्जं?, गोयमा ! जस्स नाणावरणिज्जं तस्स मोहणिज्जं सिय अस्थि सिय नत्थि, जस्स पुण मोहणिज्जं तस्स नाणावरणिज्जं नियमा अस्थि 3 / जस्स णं भंते ! णाणावरणिज्ज तस्स पाउयं जस्स पाउयं तस्स णाणावरणिज्ज ?, एवं जहा वेयणिज्जेण समं भणियं तहा पाउएणवि समं भाणियव्वं, एवं नामेणवि एवं गोएणवि समं, अंतराइएण समं जहा दरिसणावरणिज्जेण समं तहेव नियमा परोप्परं भाणियव्याणि 1, 4 / जस्स णं भंते ! दरिसणावरणिज्जं तस्स वेयणिज्जं जस्स वेयणिज्जं तस्स दरिसणावरणिज्ज ? जहा नाणावरणिज्ज उवरिमेहिं सत्तहिं कम्मेहि समं भणियं तहा दरिसणावरणिज्जपि उवरिमेहिं छहिं कम्मेहिं समं भाणियब्वं जाव अंतराइएणं 2,5 / जस्स णं भंते ! वेयणिज्ज तस्स मोहणिज्ज जस्स मोहणिज्ज तस्स वेयणिज्ज ?, गोयमा ! जस्स वेय. णिज्जं तस्स मोहणिज्ज सिय अस्थि सिय नस्थि, जस्स पुण मोहणिज्जं तस्स वेयणिज्जं नियमा अस्थि 6 / जस्स णं भंते ! वेयणिज्ज तस्स पाउयं जस्स पाउयं तस्स वेयणिज्ज?, एवं एयाणि परोप्परं नियमा, जहा पाउएण
