________________ 28.] . . भीमदागमसुधासिन्धुः / द्वितीयो विभाग अंतोमुहुत्तमभहिया कायव्वा, सेसं तं चेव 11 / जीवस्स णं भंते ! श्राणयदेवत्ते नोवाणयदेवत्ते पुच्छा, गोयमा ! सव्वबंधंतरंजहन्नेणं अट्ठारस सागरोवमाई वासपुहुत्तमब्भहियाइं उकोसेणं अणंतं कालं वणस्सइकालो, देसबंधंतरं जहन्नेणं वासपुहुत्तं उक्कोसेणं अणंतं कालं वणस्सइकालो, एवं जाव अच्चुए, नवरं जस्स जा ठिती सा सव्वबंधतरं जहराणेणं वासपुडुत्तमभहिया. कायब्वा, सेसं त चेव 20 / गेवेजकप्पातीयपुच्छा, गोयमा ! सव्वबंधतरं जहन्नेणं बावीसं सागरोवमाई वासपुडुत्तमभहियाई उकोसेणं अणंतं कालं वणस्सइकालो, देसबंधतरं जहन्नेणं वासपुहुत्तं उक्कोसेणं वणस्सइकालो 21 / जीवस्स णं भंते ! अणुत्तरोववातियपुच्छा, गोयमा ! सव्वबंधंतरं जहन्नेणं एकतीसं सागरोवमाइं वासपुहुत्तमभहियाई उक्कोसेणं संखेजाइं सागरोवमाई, देसबंधंतरं जहन्नेणं वासपुहुत्तं उक्कोसेणं संखेजाई सागरोवमाई 22 / एएसिणं भंते ! जीवाणं वेउब्वियसरीरस्स देसबंधगाणं सव्वबंधगाणं अबंधगाण य कयरे 2 हिंतो जाव विसेसाहिया वा ?, गोयमा ! सव्वत्थोवा जीवा वेउब्वियसरीरस्स सव्वबंधगा देसबंधगा असंखेनगुणा अबंधगा अणंतगुणा 23 / श्राहारगसरीरप्पयोगबंधे णं भंते ! कतिविहे पराणते ?, गोयमा ! एगागारे पराणत्ते 24 / जइ एगागारे पराणत्ते किं मणुस्साहारगसरीरप्पयोगबंधे कि अमणुस्साहारगसरीरप्पयोगबंधे ?, गोमया ! माणुस्साहारगसरीरप्पयोगबंधे नो श्रमणुस्साहारगसरीरप्पयोगबंधे, एवं एएणं अभिलावेणं जहा श्रोगाहणसंठाणे जाव इडिपत्त-पमत्तसंजय-सम्मदिट्टि-पजत्त-संखेजवासाउय-कम्मभूमिग-गब्भव कंतिय-मणुस्साहारगसरीरप्पयोगबंधे णो अणिडिपत्तपमत्त जाव श्राहारगसरीरप्पयोगबंधे 25 / पाहारगसरीरप्पयोगबंधे णं भंते ! कस्स कम्मस्स उदएणं ?, गोयमा ! बीरियसयोगसहव्वयाए जाव लद्धिं पडुच्च श्राहारगसरीरप्पयोगणामाए कम्मस्स उदएणं पाहारगसरीरप्पयोगबंधे 26 /
