________________ 248 ] [ श्रीमंदागमसुधसिन्धुः / द्वितीयो विभागः णाए 37 / तस्स अलद्धियाणं पुच्छा, गोयमा ! नाणीवि अन्नाणीवि जे नाणी ते नियमा एगनाणी केवलनाणी, जे अन्नाणी ते नियमा दुअन्नाणी, तंजहा-मइअन्नाणी य सुयअन्नाणी य, फासिदियलद्धियाणं अलद्धियाणं जहा इंदियलद्धिया य अलद्धिया य 38 // सूत्रं 320 // सागारोवउत्ता णं भंते ! जीवा किं नाणी अन्नाणी?, पंच नाणाई तिन्नि अन्नाणाई भयणाए 1 / श्राभिणिबोहियनाणसाकारोवउत्ता णं भंते ! किं नाणी अन्नाणी ? चत्तारि णाणाई भयणाए 2 / एवं सुयनाणसागारोवउत्तावि 3 / श्रोहिनाणसागारोवउत्ता जहा श्रोहिनाणलद्धिया, मणपजवनाणसागारोवउत्ता जहा मणपजवनाणलद्धिया, केवलनाणसागारोवउत्ता जहा केवलनाणलद्धिया, मइअन्नाणसागारोवउत्ताणं तिन्नि अन्नाणाई भयणाए, एवं सुयअन्नाणसागारोवउत्तावि, विभंगनाणसागारोवउत्ताणं तिन्नि अन्नाणाई नियमा 4 / अणागारोवउत्ताणं भंते ! जीवा किं नाणी अन्नागी ?, पंच नाणाई तिन्नि अन्नाणाई भयणाए 5 / एवं चक्खुदंसण-अचक्खुदंसण-अणागारोवउत्तावि, नवरं चत्तारि णाणाई तिनि अन्नाणाई भयणाए 6 / श्रोहिदंसणणागारोवउत्ताणं पुच्छा, गोयमा ! नाणीवि अन्नाणीवि, जे नाणी ते प्रत्थेगतिया तिन्नाणी अत्थेगतिया चउनाणी, जे तिनाणी ते आभिणिबोहियनाणी सुयनाणी अोहिनाणी, जे चउणाणी ते प्राभिणियोहियनाणी जाव मणपजवनाणी, जे अन्नाणी ते नियमा तिअन्नाणी, तंजहा-मइअन्नाणी सुययन्नाणी विभंगनाणी, केवलदंसणअणागारोवउत्ता जहा केवलनाणलद्धिया 7 / सजोगी ग भंते / जीवा किं नाणी अनाणी ?, जहा सकाइया, एवं मणजोगी वइजोगी कायजोगीवि, अजोगी जहा सिद्धा 8 / सलेस्सा णं भंते ! जहा सकाइया, कराहलेसा णं भंते ! जहा सइंदिया, एवं जाव पम्हलेसा, सुकलेस्सा जहा सलेस्सा, अलेस्सा जहा सिद्धा 1 / सकसाई णं भंते ! जीवा किं नाणी अवाणी?, जहा सइंदिया एवं जाव लोहकसाई 10 / कसाई णं भंते ! जीवा कि
