________________ श्रीमव्याख्याप्रज्ञप्ति (श्रीमद्भगाची) : शतकं 6 : उ०३] [REE वसिए 1 सादीए अपजवसिते 2 अणादीए -सपजवसिते 3 श्रणादीए अपजवसिते 4 ?, गोयमा ! वत्थस्स णं पोग्गलोवचए सादीए सपजवसिए नो सादीए अपज्जवसिते नो अणादीए सपजवसिते नो अणादीए अाजवसिते 1 / जहा णं भंते ! वत्थस्स पोग्गलोवचए सादीए सपजवसिते नो सादीए अपजवसिते नो श्रणादाए सपज्जवसिते नो अणादीए अपज. वसिते, तहा णं जीवाणं कम्मोवचए पुच्छा, गोयमा ! प्रत्येगतियाणं जीवाणं कम्मोवचए सादीए सपजवसिए अत्थेगतियाणं जीवाणं कम्मोवचए अणादीए सपज्जवसिए अत्थेगतियाणं जीवाणं कम्मोवचए अणादीए अपजवसिए नो चेव णं जीवाणं कम्मोवचए सादीए अप्पज्जवसिए 2 / से केण?णं जाव सादीए अपजवसिए ?, गोयमा ! ईरियावहियाबंधयस्स कम्मोवचए सादीए सपज्जवसिए भवसिद्धियस्स कम्मोवचए अणादीए साजवसिए अभवसिद्धियस्स कम्मोवचए अणादीए अपजवसिए, से तेणटेणं गोयमा ! एवं वुच्चति अस्थगतियाणं जीवाणं कम्मोवचए सादीए नो चेव णं जीवाणं कम्मोवचए सादीए अपज्जवसिए 3 / वत्थे णं भंते ! किं सादीए सपजवसिए ?, चउभंगो, गोयमा ! वत्थे सादीए सपजवसिए अवसेसा तिन्नि वि पडिसेहेयव्वा 4 / जहा णं भंते ! वत्थे सादीए सपज्जवसिए नो सादीए अपजवसिए नो प्राणादीए सपज्जवसिए नो अनादीए अपजवसिए तहा णं जीवाणं किं सादीया सपज्जवसिया ? चउभंगो पुच्छा, गोयमा ! अत्थेगतिया सादीया सपजवसिया चत्तारिवि भाणियव्वा 5 / से केण?णं जाव श्रणादीया अपजवसिया ?, गोयमा ! नेरतिया तिरिक्खजोणिया मणुस्सा देवा गतिरागतिं पडुच्च सादीया सपजवसिया, सिद्धि(द्धा)गतिं पडुच्च सादीया अपजवसिया, भवसिद्धिया लद्धिं पडुच अणादीया सपन्जवसिया, अभवसिद्धिया संसारं पडुन अणादीया अपजवसिया भवंति, से तेण?णं जाव अपजवसिया 6 // सूत्रं 235 //
