________________ 16] [ श्रीमदागमसुधासिन्धुः द्वितीयो विमागः बलिचंचारायहाणिवत्थव्वया बहवे असुरकुमारा देवा य देवीयो य ईसाणं देविंदं देवरायं श्रादंति जाव पज्जुवासंति, ईसाणस्स देविंदस्स देवरन्नो प्राणा-उववाय-वयण-निद्दे से चिट्ठति 6 / एवं खलु गोयमा ! ईसाणेणं देविदेण देवरन्ना सा दिव्वा देविड्डी जाव अभिसमन्नागया 7 / ईसाणस्स णं भंते ! देविंदस्स देवरनो केवतियं कालं ठिती पराणत्ता ?, गोयमा / सातिरेगाइं दो सागरोवमाई ठिती पन्नत्ता 8 / ईसाणे णं भंते ! देविदे देवराया तायो देवलोगायो बाउक्खएणं जाव कहिं गच्छिहिति ? कहिं. उववजिहिति ?, गोयमा ! महाविदेहे वासे सिज्झिहिति जाव अंतं काहेति 1 // सू० 137 // सकस्स णं भंते ! देविंदस्स देवरन्नो विमाणेहिंतो ईसाणस्स देविंदस्स देवरन्नो विमाणा ईसिं उच्चयरा चेव ईसिं उन्नयतरा चेव ? ईसाणस्स वा देविंदस्स देवरनो विमाणेहिंतो सकस्स देविंदस्स देवरन्नो विमाणा ईसिं णीययरा चेव ईसिं निन्नयरा चेव ?, हंता ! गोयमा ! सकस्स तं चेव सव्वं नेयव्वं 1 / से केणढे गां ?, गोयमा ! से जहानामएकरयले सिया देसे उच्चे देसे उन्नए देसे णीए देसे निन्ने, से तेण? गां गोयमा ! सकस्स देविंदस्स देवरन्नो जाव ईसिं निराणवरा चेव 2 // सू० 138 // पभू णं भंते ! सक्के देविंदे देवराया ईसाणस्स देविंदस्स देवरन्नो अंतियं पाउभवित्तए ?, हंता पभू, से णं भंते ! किं पाढायमाणे पभू अणाढायमाणे पभू ?, गोयमा ! अाढायमाणे पभू नो अणाढायमाणे पभू 1 / पभू णं भंते ! ईसाणे देविंदे देवराया सक्कस्स देविंदस्स देवरन्नो अंतियं पाउभवित्तीए ?, हंता पभू, से भंते ! किं पाढायमाणे पभू अणाढायमाणे पभू ?, गोयमा ! पाढायमाणेवि पभू, अणाढायमाणेवि पभू 2 / पभू णं भंते ! सक्के देविंदे देवराया ईसाणं देविंदं देवरायं सपक्खि सपडिदिसिं समभिलोपत्तए ? जहा पादुम्भवणा तहा दोवि घालावगा नेयव्वा 3 / पभू णं भंते ! सक्के देविंदे देवराया ईसाणेणं देविदेणं
