________________ 430 ] [ श्रीमंदागमसुधासिन्धुः :: प्रथमो विभागः उप्पज्जंति एगिदियाइं पंचिंदियाई च // 5 // वत्थाण य उप्पत्ती निप्पत्ती चेव सव्वभत्तीणं / रंगाण य धोयाण य सव्वा एसा महापउमे // 6 // काले कालराणाणं भवपुराणं च तीसु वासेसु / सिप्पसतं कम्माणि य तिन्नि पयाए हियकराई // 7 // लोहस्स य उप्पत्ती होइ महाकालि अागराणं च / रुप्पस्स सुवन्नस्स य मणिमोतिसिलप्पवालाणं // 8 // जोधाण य उप्पत्ती आवरणाणं च पहरणाणं च / सव्वा य जुद्धनीती माणवते दंडनीती य॥१॥ नट्टविही नाडगविही कव्वस्स चउब्विहस्स उप्पत्ती / संखे महानिहिम्मी तुडियंगाणं च सव्वेसि // 10 // चकट्टपइट्ठाणा अठुस्सेहा य नव य विक्खंभे / बारसदीहा मंजूससंठिया जह्नवीई मुहे // 11 // वेरुलियमणिकवाडा कणगमया विविधरयणपडिपुन्ना / ससिसूरचक्कलक्खणअणुसमजुगबाहुवतणा त॥१२॥ पलियोवमद्वितीया णिहिसरिणामा य तेसु खलु देवा / जेसिं ते श्रावासा अक्विजा श्राहिवचा वा // 13 // एए ते नवनिहयो पभूतधणरयणसंचयसमिद्धा / जे वसमुवगच्छंती सव्वेसि चकवट्टीणं // 14 // ॥सू० 673 // एव विगतीतो पन्नत्तायो, तंजहा-खीरं दधिं णवणीतं सप्पिं तेलं गुलो महुँ मज्जं मंसं ॥सू. 674 // गावसोतपरिस्सवा बोंदी पराणत्ता, तंजहा-दो सोत्ता दो ोत्ता दो घाणा मुहं पोसे पाऊ / / सू०६७५ // णवविधे पुन्ने पन्नत्ते, तंजहा-अन्नपुन्ने पाणपुराणे वत्थपुन्ने लेणपुराणे सयणपुन्ने मणपुन्ने वतिपुराणे कायपुराणे नमोकारपुराणे // सू० 676 / / णव पावस्सायतणा पत्नत्ता, तंजहा-पाणातिवाते मुसावाते जाव परिग्गहे कोहे माणे माया लोभे // सू० 677 // नवविधे पावसुयपसंगे पन्नत्ते, तंजहा-उप्पाते निमित्ते मंते अातिक्खिते तिगिच्छते / कला श्रावरणेऽन्नाणे मिच्छापावतणेति त // 1 // ॥सू० 678 // नव उणिता वत्थू पन्नत्ता, तंजहा-संखाणे निमित्ते कातिते पोराणे पारिहत्थिते परपंडिते वातिते भूतिकम्मे तिगिच्छिते ॥सू० 676 //
