________________ भीमत्स्थानाङ्गसूत्रम् :: अध्ययनं 5 ] [ 366 नसेउयाई उच्छिन्नगुत्तागाराई जाइं इमाइं गामागरणगरखेडकब्बडदोणमुहपट्टणासमसंवाहसन्निवेसेसु सिंघाडगतिगवउक्कचच्चरचउम्मुहमहापहपहेसु णगरणिद्धमणेसु सुसाणसुन्नागारगिरिकंदरसन्तिसेलोवट्ठावणभवणगिहेसु संनिक्खिताई चिट्ठति ताई वा पासित्ता तप्पढमताते खंभातेजा, इच्चेहिं पंचहिं गणेहिं श्रोहिदसणे समुप्पजिउकामेऽवि तप्पढमताते खंभाएजा 1 / पंचहिं गणेहिं केवलवरनाणदंसणे समुप्पजिउकामे तप्पढमताते नो खंभातेजा, तंजहा-अप्पभूतं वा पुढविं पासित्ता तप्पढमताते णो खंभेजा, सेसं तहेव जाव भवणगिहेसु संनिक्खित्ताई चिट्ठति ताई वा पासित्ता तप्पढमयाते णो खंभातेजा, सेसं तहेव, इच्चेतेहिं पंचहिं ठाणेहिं जाव नो खंभातेजा 2 // सू० 314 // णेरइयाणं सरीरगा पंचवन्ना पंचरसा पन्नत्ता तंजहा-किराहा जाव सुकिल्ला तित्ता जाव मधुरा, एवं निरंतरं जाव वेमाणियाणं / पंच सरीरगा पन्नत्ता तंजहा-योरालिते वेउन्विते श्राहारते तेयते कम्मते, थोरालितसरीरे पंचवन्ने पंचरसे पन्नत्ते तंजहा-किराह जाव सुकिल्ले तित्ते जाव महुरे, एवं जाव कम्मगसरीरे, सव्वेऽवि णं बादरबोंदिधरा कलेवरा पंचवन्ना पंचरसा दुगंधा अट्ठफासा // सू० 365 // पंचहिं ठाणेहिं पुरिमपच्छिमगाणं जिणाणं दुग्गमं भवति, तंजहा-दुयाइक्खं दुविभज्जं (दुविभवं) दुपस्सं दुतितिक्खं दुरणुचरं 1 / पंचहिं ठाणेहिं मज्झिमगाणं जिणाणं सुगमं भवति, तंजहा-सुपातिक्खं सुविभज्ज सुपस्सं सुतितिक्खं सुरणुचरं 2 / पंच गणाई समणेणं भगवता महावीरेणं समणाणं णिग्गंथाणं णिच्चं वनिताई निच्चं कित्तिताई णिच्चं बुत्तिताई णिच्चं पसत्थाई निश्चमब्भणुन्नाताई भवंति, तंजहा-खंति मुत्ती अजवे मद्दवे लाघवे 3 // पंच ठाणाई समणेणं भगवता महावीरेणं जाव अब्भणुनायाई भवंति, तंजहा-सच्चे संजमे तवे चिताते बंभचेरवासे 4 पंच ठाणाई समणाणं जाव अब्भणुन्नायाई भवंति, तंजहा-उक्खित्तचरते निविखतचरते अंतचरते पंतचरते
