________________ श्रीमत्स्थानाङ्गसूत्रम् :: अध्ययनं 4 ] [ 355 // अथ चतुर्थस्थानके चतुर्थ उद्देशकः // चत्तारि पसप्पगा पन्नत्ता तंजहा-अणुप्पन्नाणं भोगाणं उप्पाएत्ता एगे पसप्पए पुवुप्पन्नाणं (पच्चुप्पन्नाणं) भोगाणं अविप्पतोगेणं एगे पसप्पते अणुप्पन्नाणं सोक्खाणं उप्पाइत्ता एगे पसप्पए पुवुप्पन्नाणं सोक्खाणं अविप्पयोगेणं एगे पसप्पए ॥सू० 340 // णेरतिताणं चउबिहे श्राहारे पन्नत्ते तंजहा-इंगालोवमे मुम्मुरोवमे सीतले हिमसीतले, 1 / तिरिवखजोणियाणं चउबिहे पाहारे पन्नत्ते तंजहा--कंकोवमे बिलोवमे पाणमंसोवमे पुत्तमंसोवमे, 2 / मणुस्साणं चउबिहे ग्राहारे पन्नत्ते तंजहा-असणे जाव सातिमे, 3 / देवाणं चउबिहे श्राहारे पन्नत्ते तंजहा-वन्नमते गंधमते रसमंते फासमंते 4 ॥सू० 341 / / चत्तारि जातियासीविसा पन्नत्ता तंजहा-विच्छतजातीयासीविसे मंडुक्कजातीयासीविसे उरगजातीयासीविसे मगुस्सजातियासीविसे, विच्छुयजातियासीविसस्स णं भंते ! केवइए विसए पन्नत्ते?, पभू णं विच्छुयजातियासीविसे अद्धभरहप्पमाणमेत्तं बोंदि विसेणं विसपरिणयं विसट्टमाणिं करित्तए विसए से विसट्टताए नो चेव णं संपत्तीए करेंसु वा करेंति वा करिस्संति वा, मंडुकजातियासीविसस्स पुच्छा, पभू णं मंडुक्कजातियासीविसे भरहप्पमाणमेत्तं बोंदि विसेणं विसपरिणयं विसट्टमाणिं, सेसं तं चेव जाव करेस्संति वा, उरगजाति पुच्छा, पभू णं उरगजातियासीविसे जंबूद्दीवपमाणमेत्तं बोंदि विसेण सेसं तं चेव जाव करेस्संति वा, मणुस्तजातिपुच्छा, पभू णं मणुस्सजातियासीविसे समतखेत्तपमाणमेत्तं बोंदि विसेणं विसपरिण(ग)तं विसट्टमाणिं करेत्तए, विसते से विसट्टताते नो चेव णं जाव करिस्संति वा ॥सू० 342 // चउविहे वाही पन्नत्ते तंजहा-वातिते पित्तिते सिंभिते सन्निवातिते, 1 / चउब्विहा तिगिच्छा पन्नत्ता तंजहा-विजो श्रोसधाई बाउरे परिचारते 2 ॥सू०
