________________ 82 ] [ श्रीमदागमसुधासिन्धुः :: प्रथमो विभागः तंजहा-पुढविसिलं वा कट्ठसिलं वा अहासंथडमेव, तस्स लाभे संते संवसिज्जा, तस्स अलाभे उकळुडुए वा (2) विहरिजा, चउत्था पडिमा 4 ॥सू. 102 // इच्चेयाणं चउराहं पडिमाणं अन्नयरं पडिमं पडिव जमाणे तं चेव जाव अन्नोऽन्नसमाहीए एवं च णं विहरंति ॥सू. 103 // से भिक्खू वा (2) अभिकंखिज्जा संथारगं पञ्चप्पिणित्तए, से जं पुण सथारगं जाणिज्जा सग्रंडं जाव ससंताणयं तहप्पगारं संथारगं नो पञ्चप्पिणिज्जा ॥सू० 10 // से भिक्खू वा (2) अभिकंखिज्जा संथारगं पञ्चपिणित्तए से जं पुण संथारगं जाणिजा, अप्पंडं तहप्पगारं जाव संताणगं संथारगं पडिलेहिय (2) पमन्जिय (2) अायाविय (2) विहुणिय (2) तयो संजयामेव पचप्पिणिज्जा ॥सू. 105 // से भिक्खू वा (2) समाणे वा वसमाणे वा गामाणुगाम दूइजमाणे वा पुवामेव पन्नस्स उच्चारपासवणभूमि पडिलेहिजा, केवली बूया यायाणमेयं-अपडिलेहियाए उच्चारपासवणभूमीए, से भिवखू वा (2) रायो वा वियाले वा उच्चारपासवणं परिहवेमाणे पयलिज वा पवडेज वा से तत्थ पयलमाणे वा (2) हत्थं वा पायं वा जाव लूसेज वा पाणाणि वा (4) जाव ववरोविजा; ग्रह भिक्खूणं पुबोवइट्टा जाव जं पुब्बामेव पन्नस्म उच्चारपासवणभूमि पडिलेहिज्जा / सू० 106 // से भिक्खू वा (2) अभिकंखिजा सिज्जासंथारंगभूमि पडिलेहित्तए नन्नत्थ पायरियेण या उवज्झाएण वा जाव गणावच्छेएण वा बालेण वा वुड्ढेण वा सेहेण वा गिसाणेण वा पाएसेण वा यंतेण वा मज्झेण वा समेण वा विसमेण वा पवाएण वा निवारण वा, तयो संजयामेव पडिलेहिय (2) पमन्जिय (2) तयो संजयामेव बहुफासुयं सिज्जासंथारगं संथरिजा ॥सू. 107 // से भिक्खू वा (2) बहुफासुयं सेज्जा संथारगं संथरित्ता अभिकंखिज्जा बहुफासुए सिज्जासंथारए दुरूहित्तए // से भिक्खू (2) बहुफासुए सेज्जासंथारए दुरूहमाणे से पुवामेव ससीसोवरियं कायं पाए य पमज्जिय (2) तयो संज
