________________ 60 ] [ श्रीमदागमसुधासिन्धुः :: प्रथमो विभागः // अध्ययन 1 . उद्देशकः 7 // से भिक्खू वा (2) जाव समाणे जं पुण जाणिज्जा असणं वा (4) खंधंसि वा थंभंसि वा मंचंसि वा मालंसि वा पासायंसि वा हम्मियतलंसि वा अन्नयरंसि वा तहप्पगारंसि तलिक्वजायंसि उवनिक्खित्त सिया तहप्पगारं मालोहडं असणं वा (4) अकासुयं नोपडिगाहिज्जा 1 / केवली ब्रूया यायाणमेयं, अस्संजए भिक्खुपडियाए पीढं वा फलगं वा निस्सेणिं वा उदूहलं बाहट्ट उस्सविय दुरूहिज्जा, से तत्थ दुरूहमाणे पयलिज्ज वा पवडिज्ज वा 2 / से तस्थ पयलमाणे वा (2) हत्थं वा पायं वा बाहुं वा ऊरुं वा उदरं वा सीसं वा अन्नयरं वा कायंसि इंदियजालं लूसिज्ज वा पाणाणि वा (4) अभिहणिज्ज वा वित्तासिज्ज वा लेसिज्ज वा संघसिज्ज वा संघट्टिज्ज वा परियाविज्ज वा किलामिज्ज वा ठाणायो ठाणं संकामिज्ज वा, तं तहप्पगारं मालोहडं असणं वा (4) लाभे संते नो पडिगाहिज्जा से भिक्खू वा 2 जाव समाणे से जं पुण जाणिज्जा असणं वा (4) कुट्ठियायो वा कोलेज्जाउ वा अस्संजए भिक्खुपडियाए उक्कुज्जिय अवउज्जिय श्रोहरिय बाहटु दलइज्जा, तहप्पगारं असणं वा (4) लाभे संते नो पडिगाहिज्जा 3 ॥सू० 37 // से भिवखू वा (2) जाव से जं पुण जाणिज्जा असणं वा मट्टियाउलित्तं तहप्पगारं असणं वा (4) लाभे संते नो पडिगाहिज्जा 1 / केवली व्या पायाणमेयं अरसंजए भिक्खुपडियाए मट्टियोलितं असणं वा 4 उम्भिंदमाणं पुढवीकार्य समारंभिज्जा तह तेउवाउवणस्सइ-तसकायं समारंभिज्जा पुणरवि उल्लिंपमाणे पच्छाकम्मं करिज्जा 2 / अह भिक्खूणं पुवोवइट्टा एस पइन्ना एस हेउ एस कारणे एसुवएसे जं तहप्पगारं मट्टियोलित्तं असणं वा (4) लाभे संते नो पडिगाहिज्जा 3 // से भिक्खू वा 2 से जं पुण जाणिज्जा असणं वा (4) पुढविकायपइटिव्यं तहप्पगारं असणं वा (4) अफासुयं वा नो पडिगाहिज्जा 4 /
