________________ श्री आचाराङ्ग-सूत्रम् // श्रुतस्कंधः 2 अध्ययनं 1 ] . [ 55 वयह, संति तत्थेगइयस्स भिक्खुस्स पुरेसंथुया वा पच्छासंथुया वा परिवसंति, तंजहा-गाहावइ वा गाहावइणीयो वा गाहावइपुत्ता वा गाहावइधूयायो वा गाहावइसुराहायो धाइयो वा दासा वा दासीयो वा कम्मकरा वा कम्मकरीयो वा तहप्पगराई कुलाई पुरेसंथुयाणि वा पच्छासंथुयाणि वा पुवामेव भिक्खारियाए अणुपविसिस्सामि 1 / यविय इत्थ लभिरसामि पिंडं वा लोयं वा खीरं वा दहिं वा नवणीयं वा घयं वा गुल्लं वा तिल्लं वा महुवा मज्जं वा मंसं वा सक्कुलिं वा फाणियं वा पूयं वा सिहिरिणिं वा, तं पुवामेव भुच्चा पिच्चा पडिग्गहं च संलिहिय संमजिय तयो पच्छा भिक्खूहिं सद्धिं गाहावइकुलं पिंडवायपडियाए पविस्सिस्सामि वा निक्खमिस्सामि वा, माइट्ठाणं संफासे, तं नो एवं करिजा 2 // से तत्थ भिक्खूहिं सद्धिं कालेण अणुपविसित्ता तत्थियरेयरेहिं कुलेहिं सामुदाणियं एसियं वेसियं पिंडवायं पडिगाहित्ता याहारं पाहारिजा, 3 / एयं खलु तस्स भिक्खुस्स वा भिक्खुणीए वा सामग्गियं जं सव्वट्ठेहिं समिए सहिए सया जए तिबेमि 4 ॥सू० 24 // // इति चतुर्थ उद्देशकः 2-1-1-4 // // अध्ययनं-१: उद्देशकः-५ // से भिक्खू वा (2) जाव पविठे समाणे से जं पुण जाणिज्जा-अग्गपिंडं उक्खिप्पमाणं पेहाए अग्गपिंडं निक्खिप्पमाणं पेहाए अग्गपिंडं हीरमाणं पेहाए अग्गपिंडं परिभाइजमाणं पेहाए अग्गपिंडं परिभुजमाणं पेहाए अग्गपिंडं परिविजमाणं पेहाए पुरा असिणाइ वा अवहाराइ वा पुरा जत्थऽराणे समण-माहणअतिहिकिवण-वणीमगा खद्धं (2) उवसंकमंति से हंता अहमवि खद्धं (2) उवसंकमामि, माइट्टाणं संफासे, नो एवं करेजा ॥सू० 25 // भिक्खू वा (2) जाव समाणे अंतरा से वप्पाणि वा फलिहाणि वा पागाराणि वा तोरणाणि वा अग्गलाणि वा अग्गलपासगाणि वा सति परक्कमे संजयामेव परिकमिज्जा
