________________ 50 ] [ श्रीमदागमसुधासिन्धुः। प्रथमो विभागः सिज्जमाणे पेहाए कुभीमुहायो वा कलोवाइयो वा संनिहिसंनिचयायो वा परिएसिज्जमाणे पेहाए तहप्पगारं असणं वा (4) अपुरिसंतरकडं जाव प्रणासेवियं अफासुयं जाव नो पडिग्गाहिज्जा 1 // यह पुण एवं जाणिज्जा पुरिसंतरकडं जाव यासेवियं फासुयं पडिग्गाहिज्जा 2 ॥सू० 10 // से भिक्खू वा (2) जाव समाणे से जाई पुण कुलाई जाणिज्जा, तंजहाउग्गकुलाणि वा भोगकुलाणि वा राइन्नकुलाणि वा खत्तियकुलाणि या इक्खागकुनाणि वा हरिवंसकुलाणि वा एसियकुलाणि वा वेसियकुलाणि वा गंडागकुलाणि वा कोट्टागकुलाणि वा गामरक्खकुलाणि वा बुक्कासकुलाणि वा पोकासाईयकुलाणि अन्नयरेसु वा तहप्पगारेसु कुलेसु अदुगुछिएसु अगरहिएसु असणं वा (4) फासुयं जाव पडिग्गाहिज्जा ॥सू. 11 // से भिक्खू वा (2) जाव समाणे से जं पुण जाणिज्जा असणं वा (4) समवाएसु वा पिंडनियरेसु वा इंदमहेसु वा खंदमहेसु वा एवं रुद्दमहेसु वा मुगुदमहेसु वा भूयमहेसु वा जखमहेसु वा नागमहेसु वा थूभमहेसु वा चेइयमहेसु वा रुक्खमहेसु वा गिरिमहेसु वा दरिमहेसु वा अगडमहेसु वा तलागमहेसु वा दहमहेसु वा नइमहेसु वा सरमहेसु वा सागरमहेसु वा आगरमहेसु वा अन्नयरेसु वा तहप्पगारेसु विरूवरूवेसु महामहेसु वट्टमाणेसु बहवे ममणमाहण-अतिहिकिवणवणीमगे एगायो उक्खायो परिएसिज्जमाणे पेहाए दोहिं जाव संनिहिसंनिचयायो वा परिएसिज्जमाणे पेहाए तहप्पगारं असणं वा (4) अपुरिसंतरकडं जाव नो पडिग्गाहिज्जा१॥ अह पुण एवं जाणिज्जा दिन्नं जं तेसिं दायव्वं, यह तत्थ भुजमाणे पेहाए गाहावइभारियं वा गाहावइभगिणिं वा गाहावइपुत्तं वा धूयं वा सुराहं वा धाई वा दासं वा दासिं वा कम्मकरं वा कम्मकरिं वा से पुव्वामेव बालोइज्जा अाउसित्ति वा भगिणित्ति वा दाहिसि मे इत्तो अन्नयरं भोपणजायं, से सेवं वयंतस्स परो असणं वा (4) बाहटु दलइज्जा तहप्पगारं असणं वा (1) सयं वा पुण
