Page Text
________________ 10] कप्पसुत्तं [ 4, 21-24 ज्झायस्स आयरियउवज्झायत्तं अनिक्खिवित्ता अन्नं गणं संभोगपडियाए उवसंपन्जित्ताणं विहरित्तए. कप्पइ आयरियउवज्झायस्स आयरियउवज्झायत्तं निक्खिवित्ता अन्नं गणं संभोगपडियाए उवसंपज्जिताणं विहरित्तए / नो से कप्पइ अणापुच्छित्ता आयरियं वा जाव गणावच्छेइयं वा अन्नं गणं संभोगपडियाए उवसंपज्जित्ताणं विहरित्तए; कप्पड़ से आपुच्छित्ता आयरियं वा जाव गणावच्छेइयं वा अन्नं गणं संभोगपडि5याए उवसंपज्जित्ताणं विहरित्तए / ते य से वियरन्ति,एवं से कप्पइ अन्नं गणं संभोगपडियाए उवसंपज्जित्ताणं विहरितए; ते य से नो वियरन्ति, एवं से नो कप्पइ अन्नं गणं संभोगपडियाए उवसंपज्जित्ताणं विहरित्तए / जत्थुत्तरियं धम्मविणयं लभेज्जा, एवं से कप्पइ अन्नं गणं संभोगपडियाए उवसंपज्जित्ताणं विहरित्तए; जत्थुत्तरियं धम्मविणयं नो लभेज्जा, एवं से नो कप्पइ अन्नं गणं संभोगपडियाए उव संपज्जित्ताणं विहरित्तए / 10 21. भिक्खू य इच्छेज्जा अन्नं आयरियउवज्झायं उद्दिसावेत्तए, नो से कप्पइ अणापुच्छिता आयरियं वा जाव गणावच्छेइयं वा अन्नं आयरियउवज्झायं उद्दिसावेत्तए; कप्पद से आपुच्छित्ता आयरियं वा जाव गणावच्छेइयं वा अन्नं आयरियउवज्झायं उद्दिसावेत्तए / ते य से वियरन्ति, एवं से कप्पइ अन्नं आयरियउवज्झायं उद्दिसावेत्तए; ते य से नो वियरन्ति एवं से नो कप्पइ अन्नं आयरियउव ज्झायं उद्दिसावेत्तए / नो से कप्पइ तेसिं कारणं अदीवेत्ता अन्नं आयरियउवज्झायं उद्दिसावेत्तए; कप्प- . 185 से तेसिं कारणं दीवेत्ता अन्नं आयरियउवज्झायं उद्दिसावेत्तए / 22 गणावच्छेइए य इच्छेज्ना अन्नं आयरियउवज्झायं उद्दिसावेत्तए; नो से कप्पइ अणापुच्छिता आयरियं वा जाव गणावच्छेइयं वा अन्नं आयरियउवज्झायं उद्दिसावेत्तए; कप्पइ से आपुच्छित्ता आयरियं वा जाव गणावच्छेइयं वा अन्नं आयरियउवझायं उद्दिसावेत्तए / ते य से वियरन्ति, एवं से कप्पइ अन्नं आयरियउवज्झायं उद्दिसावे तए; ते य से नो वियरन्ति, एवं से नो कप्पइ अन्नं आयरियउवज्झायं उद्दिसावेत्तए / नो से कप्पइ 20तेसिं कारणं अदीवेत्ता अन्नं आयरियउवज्झायं उदिसावेत्तए; कप्पइ से तेसिं कारणं दीवेत्ता अन्नं आयरियउवज्झायं उदिसावेत्तए / 23. आयरियउवज्झाए य इच्छेज्जा अन्नं आयरियउवज्झायं उद्दिसावेत्तए, नो से कप्पइ अणापुच्छित्ता आयरियं वा जाव गणावच्छेइयं वा अन्नं आयरियउवज्झायं उदिसावेत्तए; कप्पड़ से आपुच्छित्ता आयरियं वा जाव गणावच्छेइयं वा अन्नं आयरियउवज्झायं उद्दिसावेत्तए / ते य से वियरन्ति, एवं से कप्पइ अन्नं आयरियउवज्झायं उद्दिमावेत्तए, ते य से नो वियरन्ति, एवं से नो कप्पइ अन्नं आयरियउवज्झायं उद्दिसावेत्तए / नो से कप्पइ तेसिं कारणं अदीवेत्ता अन्नं आयरियउवज्झायं उदिसावेत्तए; कप्पड़ से तेसिं कारणं दीवेत्ता अन्नं आयरियउवज्झायं उद्दिसावेत्तए। 24. भिक्खू य राओ वा वियाले वा आहश्च वीसुम्भेज्जा, तं च सरीरगं यावच्चकरा इच्छेज्जा एगन्ते बहुफासुए थाण्डले परिट्ठवेत्तए, आत्थ याइं थ केइ सागारियसन्तिए उवगरणजाए 30अचित्ते परिहरणारिहे, कप्पइ से सागारकडं गहाय तं सरीरगं एगन्ते बहुफासुए थण्डिले परिट्ठवेता तत्येव उवनिक्खेवियव्वे सिया।
| SR No. | 004353 |
| Book Title | Kalp Vyavahar Nisheeth Mul Matra |
| Original Sutra Author | N/A |
| Author | Jinvijay |
| Publisher | ZZZ Unknown |
| Publication Year | |
| Total Pages | 70 |
| Language | Sanskrit |
| Classification | Book_Devnagari, agam_nishith, agam_bruhatkalpa, & agam_vyavahara |
| File Size | 9 MB |